മോസ്‌കോ: കൊവിഡിനെതിരേ റഷ്യ വികസിപ്പിച്ച സ്പുട്‌നിക് വാക്‌സിന് പാര്‍ശ്വഫലങ്ങളെന്ന് റിപ്പോര്‍ട്ടുകള്‍. 

വാക്‌സിന്‍ കുത്തിവച്ചവരില്‍ ശരാശരി ഏഴുപേരില്‍ ഒരാള്‍ക്ക് വീതം പാര്‍ശ്വഫലങ്ങള്‍ കണ്ടതായാണ് റിപ്പോര്‍ട്ട്. വാക്‌സിന്‍ കുത്തിവച്ച കൊവിഡ് രോഗികളില്‍ ഏകദേശം 14 ശതമാനം പേരില്‍ പാര്‍ശ്വഫലങ്ങള്‍ കണ്ടതായി റഷ്യന്‍ ആരോഗ്യമന്ത്രി മിഖായേല്‍ മുറാഷ്‌കോയെ ഉദ്ധരിച്ച്  മോസ്‌കോ ടൈംസ് റിപ്പോര്‍ട്ട് ചെയ്യുന്നു. പേശിവലിവ് ഉള്‍പ്പെടെയുളള  ബുദ്ധിമുട്ടുകളാണ് രോഗികള്‍ പ്രകടിപ്പിച്ചത്. എന്നാല്‍ പാര്‍ശ്വഫലങ്ങളില്‍ ഭയപ്പെടേണ്ടതില്ല എന്ന് ആരോഗ്യമന്ത്രി പറഞ്ഞു. റഷ്യന്‍ വാക്‌സിന്‍ സുരക്ഷിതമാണെന്നും അദ്ദേഹം വിശദീകരിച്ചു.  ലോകത്ത് ആദ്യമായി വികസിപ്പിച്ച വാക്‌സിനാണ് സ്പുട്‌നിക്.