കോഴിക്കോട്: കേരളത്തിന്റെയും കര്‍ണാടകയുടേയും വിവിധ ഭാഗങ്ങളിലുണ്ടായ ഉരുള്‍ പൊട്ടലിലും പ്രളയത്തിലും രക്ഷാപ്രവര്‍ത്തനങ്ങള്‍ നടത്തിയ വിഖായ വളണ്ടിയര്‍മാരെ എസ്.കെ.എസ്.എസ്.എഫ് സംസ്ഥാന കമ്മിറ്റി അനുമോദിക്കുന്നു. സെപ്റ്റംബര്‍ 15ന് 2.30ന് തിരൂര്‍ വാഗണ്‍ ട്രാജഡി ടൗണ്‍ ഹാളില്‍ നടക്കുന്ന പരിപാടിയില്‍ വിഖായ ആക്ടീവ് മെമ്പര്‍മാരെയും മറ്റു വിഖായ അംഗങ്ങളെയും അനുമോദിക്കും. സമസ്തയുടേയും കീഴ്ഘടകങ്ങളുടേയും നേതാക്കള്‍ക്കു പുറമെ ജനപ്രതിനിധികളും ഉന്നത ഉദ്യോഗസ്ഥരും പൗരപ്രമുഖരും സംബന്ധിക്കും.
ആദ്യഘട്ട രക്ഷാപ്രവര്‍ത്തനത്തിലും തുടര്‍ന്നുള്ള ദുരിതാശ്വാസ പ്രവര്‍ത്തനത്തിലും 3200 വിഖായ വളണ്ടിയര്‍മാര്‍ പങ്കെടുത്തിരുന്നു. അനുമോദന സമ്മേളത്തില്‍ വളണ്ടിയര്‍മാര്‍ക്കുള്ള സര്‍ട്ടിഫിക്കറ്റ് വിതരണവും വിവിധ പദ്ധതികളുടെ ഉദ്ഘാടനവും നടക്കും.