മുവാറ്റുപുഴ: സര്‍വ ശിക്ഷാ അഭിയാന്‍ ബി.ആര്‍.സി മുവാറ്റുപുഴയുടെ നേതൃത്വത്തില്‍ ചാന്ദ്രദിനത്തോട് അനുബന്ധിച്ച് ക്വിസ് മത്സരം സംഘടിപ്പിച്ചു. യു.പി സ്‌കൂളുകളില്‍ നിന്നും രണ്ട് പേര്‍ അടങ്ങുന്ന ടീമാണ്  മത്സരത്തില്‍ പങ്കെടുത്തത്. ബി.പി.ഒ ആശ ദേവദാസ് ഉദ്ഘാടനം ചെയ്തു.
കോര്‍ഡിനേറ്റേഴ്‌സ് മിനി എന്‍ നായര്‍, സ്മിത എ.ആര്‍, മാരിഷാ പോള്‍ സി, റിസോഴ്‌സ് അധ്യാപകരായ റെജി ജോസഫ്, മിനി  ജോസഫ്, അഞ്ജു പീതാംബരന്‍ എന്നിവര്‍ പരിപാടിക്ക്  നേതൃത്വം വഹിച്ചു.
ഗവ.യു.പി.എസ്  കുന്നയ്കാല്‍ ഒന്നാം സ്ഥാനവും ,ഗവ.യു.പി.എസ് പുളിന്താനം രണ്ടാം സ്ഥാനവും കരസ്ഥമാക്കി, ഒന്നും,രണ്ടും സ്ഥാനം നേടിയ ടീമംഗങ്ങള്‍ക്ക് ട്രോഫിയും മത്സരത്തില്‍ പങ്കെടുത്ത കുട്ടികള്‍ക്കോരോരുത്തര്‍ക്കും പ്രോത്സഹന സമ്മാനവും വിതരണം ചെയ്തു.മത്സരത്തിനു ശേഷം ചാന്ദ്രയാന്‍ വീഡിയോ പ്രദര്‍ശനവും നടത്തി.