മുവാറ്റുപുഴ: ഗുജറാത്തില്‍ ഗോവധം നടത്തിയെന്നാരോപിച്ച് ദളിതരെ കൂട്ടമായി ആക്രമിച്ച സംഘപരിവാര്‍ നടപടികള്‍ക്കെതിരെ സി.പി.ഐ മുവാറ്റുപുഴ മണ്ഡലം കമ്മിറ്റിയുടെ ആഭ്യമുഖ്യത്തില്‍ നഗരത്തില്‍ പ്രതിഷേധ പ്രകടനവും യോഗവും നടത്തി. സിപിഐ ഓഫീസില്‍ നിന്നും ആരംഭിച്ച യോഗം നഗരം ചുറ്റി കച്ചേരിത്താഴത്ത് സമാപിച്ചു. തുടര്‍ന്ന് നടന്ന പ്രതിഷേധ യോഗം സി.പി.ഐ ജില്ലാ സെക്രട്ടറിയേറ്റ് അംഗം എന്‍ അരുണ്‍ ഉദ്ഘാടനം ചെയ്തു. ടി.എം ഹാരിസ്, കെ.എ സനീര്‍, ജോളി പൊട്ടയ്ക്കല്‍, ടി.ജി സലീംകുമാര്‍, കെ.എ നവാസ്, വി.കെ മണി, വി.എം നവാസ് എന്നിവര്‍ പ്രസംഗിച്ചു.