എറണാകുളം: എറണാകുളം മലയാറ്റൂരിലെ ഇല്ലിത്തോട് പാറമടയില്‍ സ്‌ഫോടനം. രണ്ട് ഇതര സംസ്ഥാന തൊഴിലാളികള്‍ മരിച്ചു. മരിച്ചവരില്‍ ഒരാള്‍ തമിഴ്‌നാട് സേലം സ്വദേശി പെരിയണ്ണന്‍ ലക്ഷ്മണനാണ്. രണ്ടാമത്തെയാള്‍ ബെന്നി. ഇയാള്‍ ഏത് നാട്ടുകാരനാണെന്ന് വ്യക്തമല്ല. പുലര്‍ച്ചെയാണ് അപകടം ഉണ്ടായത്.

രണ്ട് പേരും ക്വാറന്റൈനില്‍ കഴിയുകയായിരുന്നു. ഇവര്‍ താമസിച്ചിരുന്ന കെട്ടിടത്തില്‍ പാറമടയിലേക്കുള്ള സ്‌ഫോടക വസ്തുക്കള്‍ സൂക്ഷിച്ചിരുന്നുവെന്നാണ് പ്രാഥമിക റിപ്പോര്‍ട്ട്. കെട്ടിടത്തില്‍ വേറെ ആരുമുണ്ടായിരുന്നില്ല. കാറ്റും മഴയും കാരണം ഇലക്ട്രിക് പോസ്റ്റില്‍ നിന്നുള്ള സ്പാര്‍ക് ആണ് അപകട കാരണം എന്നാണ് പൊലിസിന്റെ പ്രാഥമിക നിഗമനം.

പൊലിസ് കേസെടുത്ത് അന്വേഷണം തുടങ്ങി.