പയ്യന്നൂര്‍: നഗരത്തിലെ നിരത്തുകളില്‍ അനധികൃത കൈയേറ്റം തകൃതി. പയ്യന്നൂരില്‍ പല വ്യാപാര സ്ഥാപനങ്ങളും തങ്ങളുടെ കച്ചവട സാധനങ്ങളില്‍ പലതും റോഡിലേക്ക് കയറ്റിവച്ച നിലയിലാണ്. പലപ്പോഴും മണിക്കൂറുകളോളം ഗതാഗതക്കുരക്കിന് ഇത് കാരണമാക്കുന്നു. അധികൃതരുടെ മൗനാനുവാദത്തോടെയാണ് ഇത്തരം കടന്നുകയറ്റം. പയ്യന്നൂര്‍ തെക്കേ ബസാറില്‍ ദിവസവും മണിക്കൂറുകളോളമാണ് ഗതാഗതകുരുക്ക് ഉണ്ടാകാറുള്ളത്. സഹകരണാശുപത്രിയിലേക്ക് അത്യാസന്ന നിലയിലുള്ള രോഗികളുമായെത്തുന്ന ആംബുലന്‍സ് വരെ ഇതുമൂലം ദുരിതത്തിലാകാറുണ്ട്.