കൊച്ചി: ജന്തര്‍ മന്തറില്‍ നടക്കുന്ന സി.ജെ.പി പ്രതിഷേധത്തില്‍ പങ്കെടുത്ത വിദ്യാര്‍ഥികളെ കുറിച്ച് ഫേസ്ബുക്ക് ലൈവിലൂടെ അപകീര്‍ത്തിപരമായ പരാമര്‍ശങ്ങള്‍ നടത്തിയെന്നാരോപിച്ച് ബി.ജെ.പി നേതാവും സംവിധായകനുമായ മേജര്‍ രവിക്ക് വക്കീല്‍ നോട്ടിസ്. സമരത്തില്‍ പങ്കെടുത്ത വിദ്യാര്‍ഥിക്ക് വേണ്ടി സുപ്രിംകോടതി അഭിഭാഷകന്‍ വിനീത് എസ് വര്‍ക്കലവിളയാണ് നോട്ടിസ് അയച്ചിരിക്കുന്നത്. 

അഞ്ച് ദിവസത്തിനകം വിവാദ വീഡിയോ പിന്‍വലിച്ച് നിരുപാധികം മാപ്പ് പറയണമെന്നും 10 ലക്ഷം രൂപ നഷ്ടപരിഹാരം നല്‍കണമെന്നുമാണ് നോട്ടിസില്‍ പറയുന്നത്. 

രാത്രികാലങ്ങളില്‍ സമരപ്പന്തലില്‍ മോശം പ്രവൃത്തികള്‍ നടക്കുന്നുണ്ടെന്നും സൗജന്യ ഭക്ഷണത്തിനും മദ്യത്തിനും വേണ്ടിയാണ് കുട്ടികള്‍ സമരത്തില്‍ പങ്കെടുക്കുന്നതെന്നും മാന്യരായ ആരും ഈ സമരത്തില്‍ പങ്കെടുക്കില്ലെന്നും ആരോപിച്ചതായി നോട്ടിസില്‍ ചൂണ്ടിക്കാണിക്കുന്നു. 

ഫേസ്ബുക്കിലും മറ്റ് സോഷ്യല്‍ മീഡിയ പ്ലാറ്റ്‌ഫോമുകളിലും പോസ്റ്റ് ചെയ്ത അപകീര്‍ത്തികരമായ ലൈവ് വീഡിയോയും അനുബന്ധ ഉള്ളടക്കങ്ങളും ഉടനടി നീക്കംചെയ്യണമെന്ന് നോട്ടിസില്‍ പറയുന്നു.

Filmmaker and retired Army officer Major Ravi has been served a legal notice over allegedly defamatory remarks made against the CJP protest. The notice accuses him of making statements that harmed the reputation of the protest and its participants, seeking appropriate legal action. The controversy has sparked debate, with further developments expected as the matter proceeds.