കണ്ണൂര്‍: കണ്ണൂര്‍ റോട്ടറി ക്ലബ് സാമൂഹ്യസേവനങ്ങളുടെ ഭാഗമായി കണ്ണൂര്‍ ഗവ. ഹയര്‍സെക്കന്‍ഡറി, ചിറക്കല്‍ രാജാസ് ഹൈസ്‌കൂള്‍ എന്നിവിടങ്ങളില്‍ സ്മാര്‍ട്ട് ക്ലാസ് റൂമുകള്‍ ഒരുക്കും. ചിറക്കല്‍ രാജാസ് ഹൈസ്‌കൂളിലെ സ്മാര്‍ട്ട് ക്ലാസ് റൂം ഉദ്ഘാടനം ഇന്ന് ഉച്ചയ്ക്കു രണ്ടിന് പി.കെ ശ്രീമതി എം.പി നിര്‍വഹിക്കും. ഗവ. ഹെഡ്ക്വാട്ടേഴ്‌സ് ആശുപത്രിയില്‍ സി.സി ടി.വിയും വിവിധ സ്ഥലങ്ങളിലായി കാമറകളും സ്ഥാപിച്ചുനല്‍കും. വാര്‍ത്താസമ്മേളനത്തില്‍ സോമശേഖരന്‍, ഇ ബാലകൃഷ്ണന്‍, മനോഹര്‍ കമ്മത്ത്, സുനില്‍ കണാരന്‍, ലാവണ്യ സുധീര്‍ സംബന്ധിച്ചു.