വടുവന്‍ചാല്‍: മൂപ്പൈനാട് ഗ്രാമപഞ്ചായത്തില്‍ നിന്ന് സാമൂഹ്യക്ഷേമ പെന്‍ഷന്‍ കൈപ്പറ്റുന്നവര്‍ക്ക് ഏതെങ്കിലും തരത്തിലുള്ള പരാതികളുണ്ടെങ്കില്‍ മെയ് 12ന് മുന്‍പ് പഞ്ചായത്ത് ഓഫിസില്‍ ഇതു സംബന്ധിച്ച പരാതി നിശ്ചിത ഫോറത്തില്‍ സമര്‍പ്പിക്കണം. പരാതികള്‍ പരിഹരിക്കുന്നതിന് 17,18,19 തിയതികളില്‍ അദാലത്ത് സംഘടിപ്പിക്കുന്നതാണെന്ന് സെക്രട്ടറി  അറിയിച്ചു.
ദ്വാരക: എടവക ഗ്രാമപഞ്ചായത്തില്‍ നിന്ന് സാമൂഹ്യ സുരക്ഷ പെന്‍ഷന്‍ ലഭിക്കുന്നവരുടെ പരാതികള്‍ പരിഹരിക്കുന്നതിന് പെന്‍ഷന്‍ അദാലത്ത്  നടത്തുന്നു. ഒരു തവണയെങ്കിലും പെന്‍ഷന്‍ കൈപ്പറ്റിയ നിലവിലുള്ള ഗുണഭോക്താക്കള്‍ക്ക് ഏതെങ്കിലും കാരണങ്ങളാല്‍ പെന്‍ഷന്‍ ലഭിക്കുന്നതിന് തടസം നേരിടുന്നുവെങ്കില്‍ അദാലത്തില്‍ പരാതി സമര്‍പ്പിക്കാവുന്നതാണ്. ഇന്നു മുതല്‍ പരാതികള്‍ ഈമാസം 12 വരെ ഗ്രാമപഞ്ചായത്ത് ഓഫിസില്‍ സ്വീകരിക്കും. പരാതി സമര്‍പ്പിച്ചവര്‍ക്കായി മെയ് 16 (ഒന്നാം വാര്‍ഡ് മുതല്‍ 10-ാം വാര്‍ഡ് വരെ), മെയ്  17 (11-ാം വാര്‍ഡ് മുതല്‍ 19 ാം വാര്‍ഡ് വരെ) തിയതികളില്‍ ഗ്രാമപഞ്ചായത്ത് സ്വരാജ് ഹാളില്‍ വെച്ച് രാവിലെ 11 മുതല്‍ വൈകിട്ട് അഞ്ചു  വരെ  അദാലത്ത് നടത്തുമെന്ന് സെക്രട്ടറി അറിയിച്ചു.