തളിപ്പറമ്പ്: യുവ കലാസാഹിതി ജനറല്‍ സെക്രട്ടറിയും സി.പി.ഐ ദേശീയ കൗണ്‍സില്‍ അംഗവുമായിരുന്ന പരേതനായ എന്‍.സി മമ്മൂട്ടി മാസ്റ്ററുടെ പുസ്തക ശേഖരം എന്‍.ഇ ബാലറാം സ്മാരക ലൈബ്രറിക്ക് കൈമാറി.
മമ്മൂട്ടി മാസ്റ്ററുടെ കരിമ്പത്തെ വീട്ടില്‍ ഭാര്യ വി. ആയിഷയില്‍ നിന്നു സി.പി.ഐ ജില്ലാ സെക്രട്ടറി പി. സന്തോഷ് കുമാര്‍ പുസ്തകങ്ങള്‍ ഏറ്റുവാങ്ങി. മുന്‍ ജില്ലാ സെക്രട്ടറി സി. രവീന്ദ്രന്‍, ആന്തൂര്‍ നഗരസഭാ കൗണ്‍സിലര്‍ പി.കെ മുജീബ്‌റഹ്മാന്‍, എ.ആര്‍.സി നായര്‍, പി.വി ബാബു, സി. ലക്ഷ്മണന്‍, എ. ബാലകൃഷ്ണന്‍, കെ.ആര്‍ ചന്ദ്രകാന്ത്, എം. അഗേഷ്, മമ്മൂട്ടി മാസ്റ്ററുടെ മകള്‍ എന്‍.സി നമിത സംബന്ധിച്ചു.