വെളിയങ്കോട്: പ്രമുഖ സ്വാതന്ത്ര സമര സേനാനിയും സൂഫിവര്യനുമായ വെളിയങ്കോട് ഉമര്‍ഖാസിയുടെ മൂന്ന് ദിവസം നീണ്ടുനില്‍ക്കുന്ന ആണ്ടുനേര്‍ച്ചക്ക് തുടക്കമായി. അനുസ്മരണ സമ്മേളനം എം.പി അബ്ദുസമദ് സമദാനി ഉദ്ഘാടനം ചെയ്തു.
മഹല്ല് കമ്മിറ്റി പ്രസിഡന്റ് യൂസുഫ് അഹ്‌സനി അധ്യക്ഷനായി. ഹജ്ജ് കമ്മിറ്റി ചെയര്‍മാന്‍ സി. മുഹമ്മദ് ഫൈസി മുഖ്യപ്രഭാഷണം നടത്തി.
മഹല്ല് ഖാസി ഹംസ സഖാഫി, ഇ. മുഹമ്മദാലി, റഫീഖ് അഹ്‌സനി ചേളാരി, റിയാസ് പഴഞ്ഞി, റസാഖ് കൂടല്ലൂര്‍, മുജീബ് കൊട്ടിലുങ്ങല്‍, പി.വി കുഞ്ഞിമോന്‍, കെ.വി അബൂബക്കര്‍ സംസാരിച്ചു.
ഇന്ന് വൈകിട്ട് ഏഴിന് പള്ളിയില്‍ നടക്കുന്ന ദിക്‌റ് ഹല്‍ഖക്കു സയ്യിദ് ഖലീല്‍ ബുഖാരി തങ്ങള്‍, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, യു.പി മുഹമ്മദ് മുസ്‌ലിയാര്‍ തുടങ്ങിയവര്‍ നേതൃത്വം നല്‍കും.