കൊണ്ടോട്ടി: പുളിക്കല്‍ പഞ്ചായത്ത് പ്രസിഡന്റ് തെരഞ്ഞെടുപ്പ് 15ന് രാവിലെ 11ന് നടത്താന്‍ തെരഞ്ഞെടുപ്പ് കമ്മിഷന്‍ ഉത്തരവായി.
പ്രസിഡന്റ് രാജിവച്ച് ഒന്നരമാസത്തിന് ശേഷമാണ് തെരഞ്ഞെടുപ്പ് നടക്കുന്നത്. ഴിഞ്ഞ മാസം 30ന് തെരഞ്ഞെടുപ്പ് നടത്താന്‍ കൊണ്ടോട്ടി സബ്‌രജിസ്ട്രര്‍ വരാണാധികാരിയായി നിയമിച്ചുകൊണ്ട്് തെരഞ്ഞെടുപ്പ് കമ്മിഷന്‍ വിജ്ഞാപനമിറക്കിയിട്ടുണ്ടെങ്കിലും ഇത് സംബന്ധിച്ച് അറിയിപ്പ് കലക്ട്‌റേറ്റിലോ, ഞ്ചായത്തിലോ വരാണാധികാരിക്കോ ലഭിച്ചിരുന്നില്ല.
പ്രളയക്കെടുതി മൂലം ഉദ്യോഗസ്ഥര്‍ക്ക് സര്‍ക്കുലര്‍ നല്‍കാന്‍ കഴിയാത്തതാണ് തെരഞ്ഞെടുപ്പ് നീട്ടേണ്ടിവന്നത്. കഴിഞ്ഞ മാസം രണ്ടിനാണ് പുളിക്കല്‍ പഞ്ചായത്ത് പ്രസിഡന്റ് സുനീറ അബ്ദുല്‍വഹാബ് രാജിവച്ചത്. യു.ഡി.എഫ് ഭരണസമിതിയുള്ള പഞ്ചായത്തില്‍ മുസ്‌ലിംലീഗിനാണ് പ്രസിഡന്റ് സ്ഥാനം. നിലവില്‍ പാര്‍ട്ടി ധാരണപ്രകാരമാണ് സുനീറ രാജിവച്ചത്. പുതിയ പ്രസിഡന്റായി മുസ്‌ലിംലീഗിലെ പാണ്ടിയാട്ട് പുറം(14ാം)വാര്‍ഡില്‍നിന്ന് വിജയിച്ച സറീന അസീസിനെയാണ് നിശ്ചയിച്ചിരിക്കുന്നത്.