ചെറുപുഴ: പയ്യന്നൂര്‍ ഉപജില്ലാ സ്‌കൂള്‍ ഗെയിംസ് കബഡി ചാംപ്യന്‍ഷിപ്പില്‍ കരിവെള്ളൂരും ചെറുപുഴയും ജേതാക്കള്‍. 27 ടീമുകള്‍ വിവിധ വിഭാഗങ്ങളിലായി മത്സരിച്ചു. സബ് ജൂനിയര്‍ പെണ്‍കുട്ടികളുടെ വിഭാഗത്തില്‍ ചെറുപുഴ സെന്റ് ജോസഫ്‌സ് ഹയര്‍ സെക്കന്‍ഡറി, ജി.എച്ച്.എസ്.എസ് വെള്ളൂര്‍ എന്നിവര്‍ ഒന്നും രണ്ടും സ്ഥാനങ്ങള്‍ നേടി. സബ് ജൂനിയര്‍ ആണ്‍കുട്ടികളുടെ വിഭാഗത്തില്‍ ജി.എച്ച്.എസ്.എസ് വെള്ളൂരും ചെറുപുഴ സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂളും ജൂനിയര്‍ പെണ്‍കുട്ടികളുടെ വിഭാഗത്തില്‍ ചെറുപുഴ സെന്റ് ജോസഫ് ഹയര്‍ സെക്കന്‍ഡറി സ്‌കൂളും ജി.ജി.എച്ച്.എസ്.എസ് പയ്യന്നൂരും ജൂനിയര്‍ ആണ്‍കുട്ടികളുടെ വിഭാഗത്തില്‍ എ.വി സ്മാരക ഗവ. ഹയര്‍ സെക്കന്‍ഡറി സ്‌കൂളും ചെറുപുഴ സെന്റ് മേരീസ് ഹൈസ്‌കൂളും സീനിയര്‍ ഗേള്‍സ് വിഭാഗത്തില്‍ ജി.എച്ച്.എസ്.എസ് വെള്ളൂര്‍ ഒന്നും സെന്റ് ജോസഫ്‌സ് എച്ച്.എസ് രണ്ടും സ്ഥാനം നേടി. സീനിയര്‍ ആണ്‍കുട്ടികളുടെ വിഭാഗത്തില്‍ എ.വി.എസ്.ജി.എച്ച്.എസ്.എസ് കരിവെള്ളൂര്‍ ഒന്നും ജി.എച്ച്.എസ്.എസ് വെള്ളൂര്‍ രണ്ടും സ്ഥാനങ്ങള്‍ നേടി.
പഞ്ചായത്ത് പ്രസിഡന്റ് കൊച്ചുറാണി ജോര്‍ജ് ഉദ്ഘാടനം ചെയ്തു. പഞ്ചായത്ത് അംഗം ലളിതാ ബാബു അധ്യക്ഷയായി. ഡെന്നി കാവാലം, വി. കൃഷ്ണന്‍, വിജേഷ് പള്ളിക്കര, കെ.കെ ജോയി, കെ.എസ് മാത്യു, എം.വി ശശി, രഘു ചീനേരി, സിസ്റ്റര്‍ സൗഭാഗ്യ സംസാരിച്ചു.
സമ്മാനദാനം പയ്യന്നൂര്‍ ബ്ലോക്ക് പഞ്ചായത്ത് പ്രസി. എം.ടി.പി നുറുദ്ദീന്‍ നിര്‍വഹിച്ചു. റോയി തോമസ്, ജോസ് കുളിര്‍മ, പി.എന്‍ സന്തോഷ്, പി.എം സെബാസ്റ്റ്യന്‍, അലിയാര്‍ കുട്ടി സംസാരിച്ചു. മുന്‍ സംസ്ഥാന കബഡി താരം പ്രേംകുമാര്‍ വയലായിയെ ആദരിച്ചു.