കൊല്ലം: കേരളത്തിലെ സര്‍ക്കാര്‍ ജീവനക്കാരുടെ അവകാശ പോരാട്ടങ്ങളില്‍ അടിയുറച്ച നിലപാടുകള്‍ ഉണ്ടായിരുന്ന നേതാവാണ് കെ കരുണാകരന്‍പിള്ളയെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
ഡി.സി.സി യുടെ ആഭിമുഖ്യത്തില്‍ സംഘടിപ്പിച്ച കെ കരുണാകരന്‍പിള്ളയുടെ  അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഏറ്റെടുക്കുന്ന ഏതു വിഷയത്തിലും ആത്മാര്‍ഥത കാട്ടിയിരുന്ന നേതാവ് എന്ന നിലയില്‍ അവസാന നിമിഷം വരെയും പൊതു സമൂഹത്തില്‍ നിറഞ്ഞ് നില്‍ക്കാന്‍ അദ്ദേഹത്തിന് കഴിഞ്ഞത് ജനവിശ്വാസത്തിന്റെ അടിസ്ഥാനത്തിലാണെന്നും ചെന്നിത്തല പറഞ്ഞു. ഡി.സി.സി പ്രസിഡന്റ്  ബിന്ദുകൃഷ്ണ അധ്യക്ഷത വഹിച്ചു. എന്‍.കെ പ്രേമചന്ദ്രന്‍ എം.പി, ശൂരനാട് രാജശേഖരന്‍, എ.എ അസീസ്, കെ വരദരാജന്‍, എന്‍ അനിരുദ്ധന്‍, എ യൂനുസ്‌കുഞ്ഞ്, കെ.സി രാജന്‍,  എന്‍ അഴകേശന്‍, ജി പ്രതാപവര്‍മ്മ തമ്പാന്‍, എ ഷാനവാസ്ഖാന്‍, എം.എം നസീര്‍, ഇ മേരിദാസന്‍, സൂരജ് രവി, പി ജര്‍മിയാസ് സംസാരിച്ചു.