വെള്ളറട :  തെക്കന്‍ കുരിശുമലയില്‍ വജ്രജൂബിലി ആഘോഷങ്ങളുടെ ഭാഗമായി മരിയന്‍ സംഗമം ഫിയാത്-2016 നടന്നു. ലീജിയന്‍ ഓഫ് മേരി കിളിയൂര്‍ കൂരിയയാണ് പരിപാടി സംഘടിപ്പിച്ചത്. കുരിശുമല ഇടവക വികാരി റവ.ഫാ.സാജന്‍ ആന്റണി  സമ്മേളനം  ഉദ്ഘാടനം ചെയ്തു. ലീജിയന്‍ ഓഫ് മേരി കൂരിയ പ്രസിഡന്റ് സിസ്റ്റര്‍ ഓമന റ്റി. അധ്യക്ഷയായിരുന്നു. ഉണ്ടന്‍കോട് സെന്റ് ജോണ്‍സ് ഹയര്‍സെക്കണ്ടറി പ്രിന്‍സിപ്പാള്‍ എം. യേശുദാസന്‍ നെയ്യാറ്റിന്‍കര കമ്മീസിയം പ്രസിഡന്റ് ബ്രദര്‍ എസ്.പി.ഷാജി ബോസ്‌കോ കുരിശുമല തീര്‍ത്ഥാടനകേന്ദ്രം ജനറല്‍സെക്രട്ടറി സാബു കുരിശുമല എന്നിവര്‍ സംസാരിച്ചു. കൂരിയ വൈസ് പ്രസിഡന്റ് ബ്രദര്‍ ജോണ്‍ ജെ. സ്വാഗതവും, കുരിശുമല ഓഫീസ് സെക്രട്ടറി കുരിശുമല ജയന്തി നന്ദിയും പറഞ്ഞു.നെടുങ്ങാട് ഗദ്‌സെമെന്‍ പ്രെയര്‍ സെന്റര്‍ ഡയറക്ടര്‍ റവ.ഫാ.ജോര്‍ജ്കുട്ടി ശാശാരിയില്‍,  റവ.ഫാ.ജോര്‍ജ് മച്ചുകുഴിയില്‍,  ബ്രദര്‍ എസ്.പി.ഷാജി ബോസ്‌കോ എന്നിവര്‍ ക്ലാസുകളെടുത്തു.