ചട്ടഞ്ചാല്‍: സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാനതല ഇസ്‌ലാമിക കലാമേളക്കുള്ള പന്തലിന്റെ കാല്‍നാട്ടല്‍ ചടങ്ങ് നാളെ രാവിലെ 11 നു മാഹിനാബാദിലെ മലബാര്‍ ഇസ്‌ലാമിക് കോംപ്ലക്‌സില്‍ നടക്കും.
 ഈ മാസം 12 മുതല്‍ 14 വരെ ശഹീദ് സി.എം ഉസ്താദ് നഗറില്‍ വച്ച് നടക്കുന്ന ഇസ്‌ലാമിക് കലാമേളയില്‍ അറുപതോളം ഇനങ്ങളിലായി നടക്കുന്ന മത്സരത്തില്‍ കേരളത്തിലെ 14 ജില്ലകള്‍ക്ക് പുറമേ തമിഴ്‌നാട്,കര്‍ണാടക,ലക്ഷ്വദീപ് എന്നിവിടങ്ങളില്‍ നിന്നുള്ള രണ്ടായിരത്തി അഞ്ഞൂറോളം മത്സരാര്‍ത്ഥികളും പങ്കെടുക്കും.
കലാമേളയുടെ ഭാഗമായി വിളംബര ജാഥകളും പ്രചാരണ ജാഥയും നടക്കും.
നാളെ നടക്കുന്ന പന്തല്‍ കാല്‍നാട്ടല്‍ ചടങ്ങിന് ശേഷം ഒരുക്കങ്ങള്‍ വിലയിരുത്തുന്നതിന് വേണ്ടിയുള്ള  സ്വാഗത സംഘത്തിന്റെ സമ്പൂര്‍ണ യോഗവും മലബാര്‍ ഇസ്‌ലാമിക് കോംപ്ലക്‌സില്‍ വച്ച് നടക്കും.
സ്വാഗത സംഘത്തിന്റെയും,സബ് കമ്മിറ്റികളുടെയും മുഴുവന്‍ അംഗങ്ങളും യോഗത്തില്‍ സംബന്ധിക്കണമെന്ന് ഭാരവാഹികള്‍ അറിയിച്ചു.