പാപ്പിനിശ്ശേരി: പാപ്പിനിശ്ശേരി തുരുത്തിയില്‍ വ്യാപകമായി കണ്ടല്‍ കാടുകള്‍ വെട്ടി നശിപ്പിച്ച നിലയില്‍. പത്തേക്കറോളം വരുന്ന സ്ഥലത്തെ കണ്ടല്‍ കാടുകളാണ് വെട്ടി നശിപ്പിക്കപ്പെട്ടത്. ഒരാഴ്ചക്കുള്ളിലായി മുറിക്കപ്പെട്ട കണ്ടലുകളില്‍ വലിയ മരങ്ങള്‍ വരെ ഉള്‍പ്പെടും. മെഷിന്‍ ഉപയോഗിച്ച് മുറിച്ചതിനാല്‍ മരങ്ങള്‍ വ്യാപകമായി ഉണങ്ങിയിട്ടുണ്ട്. മരങ്ങള്‍ മുറിച്ചു മാറ്റിയ സ്ഥലങ്ങളില്‍ മണ്ണിട്ട് നികത്തിയ നിലയിലാണ്. തണ്ണീര്‍തടങ്ങള്‍ നികത്താന്‍ പാടില്ലെന്നിരിക്കെ വ്യാപകമായി കാടുകള്‍ വെട്ടി നശിപ്പിച്ചതിനെതിരേ വ്യാപക പ്രതിഷേധം ഉയര്‍ന്നിട്ടുണ്ട്. ശാസ്ത്ര സാഹിത്യ പരിഷത്ത് ജില്ലാ പ്രവര്‍ത്തകരായ ടി.പി പ്രദീപന്‍, കെ. സതീശന്‍, ബി. വേണു, ടി.വി വിനോദ്, ഇ. ദാമോദരന്‍, പി. ധര്‍മന്‍ തുടങ്ങിയവര്‍ സ്ഥലം സന്ദര്‍ശിച്ചു. കഴിഞ്ഞ വര്‍ഷം ഇതേ സ്ഥലത്ത് ഏക്കറോളം കണ്ടലുകള്‍ വെട്ടി നശിപ്പിക്കപ്പെട്ടിരുന്നു. ഇതിനെതിരേ വനംവകുപ്പ് അന്വേ
ഷണം നടത്തി നടപടി സ്വീകരിക്കുകയും ചെയ്തിരുന്നു.