യാമ്പു: തനിമ യാമ്പു സോണല്‍ സമിതി അല്‍മനാര്‍ ഇന്റര്‍നാഷനല്‍ സ്‌കൂളില്‍ സമൂഹ നോമ്പുതുറ സംഘടിപ്പിച്ചു. വിവിധ സാമൂഹ്യ സാംസ്‌കാരിക സംഘടന നേതാക്കള്‍ സംബന്ധിച്ചു. സ്ത്രീ കളും കുട്ടികളുമടക്കം നാനൂറോളം പേര്‍ പങ്കെടുത്ത സംഗമം സാഹോദര്യ സന്ദേശം വിളിച്ചോതുന്നതായിരുന്നു. തനിമ യാമ്പു സോണല്‍ പ്രസിഡന്റ് സലിം വേങ്ങര റമദാന്‍ സന്ദേശം നല്‍കി. സോണല്‍ എക്‌സിക്യൂട്ടീവ് അംഗം മുസ്തഫ നൂറുല്‍ ഹസ്സന്‍ നന്ദി പറഞ്ഞു.