ജിദ്ദ: റുവൈസ് ഏരിയ കെഎംസിസി സംഘടിപ്പിച്ച ഇഫ്താര്‍ മീറ്റ് ജിദ്ദ കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി അബുബക്കര്‍ അരിമ്പ്ര ഉത്ഘാടനം ചെയ്തു. റമദാനില്‍ കെഎംസിസി പ്രവര്‍ത്തകര്‍ ജീവ കാരുണ്യ പ്രവര്‍ത്തനങ്ങളില്‍ കൂടുതല്‍ സജീവമാവണമെന്നു അദ്ദേഹം ആവശ്യപ്പെട്ടു.

നിര്‍ധനരായ രോഗികളെയും അശരണരായ പ്രവാസികളെയും സഹായിക്കുന്നതിന് വേണ്ടി കെഎംസിസി സെന്‍ട്രല്‍ കമ്മിറ്റി ആരംഭിച്ച സി. എച് സെന്റര്‍ , ശിഹാബ് തങ്ങള്‍ റിലീഫ് സെല്‍ ക്യാമ്പയിന്‍ വിജയിപ്പിക്കാന്‍ ഏല്ലാവരും മുന്നോട്ടു വരണമെന്ന് അദ്ദേഹം അഭ്യര്‍ത്ഥിച്ചു. റുവൈസ് ഏരിയ കെഎംസിസി ആക്ടിങ് പ്രസിഡന്റ് മുസ്തഫ ചെമ്പന്‍ അധ്യക്ഷത വഹിച്ചു. കെഎംസിസി സെന്‍ട്രല്‍ കമ്മിറ്റി വൈസ് പ്രസിഡന്റ് സി. കെ. റസാഖ് മാസ്റ്റര്‍ മുഖ്യ പ്രഭാഷണം നടത്തി. ഹൈദര്‍ ദാരിമി തുവ്വൂര്‍ റമദാന്‍ സന്ദേശം നല്‍കി.

കെഎംസിസി മലപ്പുറം ജില്ലാ വൈസ് പ്രസിഡന്റ് സീതി കൊളക്കാടന്‍ , റുവൈസ് കെഎംസിസി ചെയര്‍മാന്‍ അബ്ദു ചെമ്പന്‍, മാധ്യമ പ്രവര്‍ത്തകന്‍ ഇബ്രാഹിം ഷംനാട്, ഷഫീഖ് പൊന്നാനി, മുഹമ്മദലി പന്താരങ്ങാടി, എ. പി. അന്‍വര്‍ വണ്ടൂര്‍ തുടങ്ങിയവര്‍ ആശംസ പ്രസംഗം നടത്തി.

സി. എച് സെന്റര്‍്, ശിഹാബ് തങ്ങള്‍ റിലീഫ് സെല്‍ കവറുകളുടെ വിതരണ ഉത്ഘാടനം റസാഖ് മാസ്റ്റര്‍ നിര്‍വഹിച്ചു. മുസ്തഫ ആനക്കയം, ഫിറോസ് പടപ്പറമ്പ്, ശരീഫ് മുസ്ലിയാരങ്ങാടി, ഷാജഹാന്‍ , സലിം കരിപ്പോള്‍ തുടങ്ങിയവര്‍ പരിപാടിക്ക് നേതൃത്വം നല്‍കി. ആക്ടിങ് സെക്രട്ടറി മുഹമ്മദ് കല്ലിങ്ങല്‍ സ്വാഗതവും ട്രെഷറര്‍ കെ.എന്‍. എ. ലത്തീഫ് നന്ദിയും പറഞ്ഞു.