കുന്ദമംഗലം: നിയോജക മണ്ഡലത്തില്‍ സമ്പൂര്‍ണ വൈദ്യുതീകരണം നടപ്പാക്കുന്നതിനു നടപടികള്‍ സ്വീകരിച്ചതായി പി.ടി.എ റഹീം എം.എല്‍.എ അറിയിച്ചു. എ.പി.എല്‍, ബി.പി.എല്‍ ഭേദമില്ലാതെ എല്ലാ ഗാര്‍ഹിക ഉപഭോക്താക്കള്‍ക്കും വൈദ്യുതി കണക്ഷന്‍ നല്‍കാനുള്ള ഈ പദ്ധതി പ്രകാരം ആവശ്യമുള്ളവര്‍ക്ക് പോസ്റ്റ് സൗജന്യമായി നല്‍കും. ബി.പി.എല്‍ വിഭാഗക്കാര്‍ക്ക് സര്‍വിസ് കണക്ഷന്‍ പൂര്‍ണമായും സൗജന്യമായിരിക്കും.
വൈദ്യുതി കണക്ഷന്‍ ആവശ്യമുള്ളവര്‍ സെക്ഷന്‍ ഓഫിസുകളില്‍ ഓഗസ്റ്റ് ഒന്നിനു മുന്‍പായി രജിസ്‌ട്രേഷന്‍ ഫോം പൂരിപ്പിച്ചു നല്‍കണം.
ഓഗസ്റ്റ് 31നു മുന്‍പായി മുഴുവന്‍ പേര്‍ക്കും വൈദ്യുതി കണക്ഷന്‍ ലഭ്യമാക്കണമെന്നാണ് ഉദ്ദേശിക്കുന്നതെന്ന് എം.എല്‍.എ പറഞ്ഞു. ഇതു സംബന്ധിച്ചു ബന്ധപ്പെട്ട ജനപ്രതിനിധികളുടെയും ഉദ്യോഗസ്ഥരുടെയും യോഗം 26നു രാവിലെ 11ന് കുന്ദമംഗലം ബ്ലോക്ക് പഞ്ചായത്ത് ഹാളില്‍ ചേരുമെന്ന് അദ്ദേഹം അറിയിച്ചു.