കൊല്ലം: വീട്ടില്‍ ഉറങ്ങി കിടക്കുകയായിരുന്ന പത്തു വയസുകാരി പാമ്പു കടിയേറ്റ് മരിച്ചു. പത്തനാപുരം മാങ്കോട് ചരിവിള വീട്ടില്‍ രാജീവ്-സിന്ധു ദമ്പതിമാരുടെ മകള്‍ ആദിത്യയാണ് മരിച്ചത്.

ശനിയാഴ്ച്ച പുലര്‍ച്ചെയാണ് കുട്ടിയ്ക്ക് പാമ്പുകടിയേറ്റത്. അസ്വസ്ഥത പ്രകടിപ്പിച്ചതോെട കുട്ടിയെ പത്തനാപുരത്തെ ആശുപത്രിയിലെത്തിച്ചു. പാമ്പുകടിയേറ്റതാണെന്ന് മനസിലായതോടെ തിരുവല്ലയിലെ സ്വകാര്യ ആശുപത്രിയിലെത്തിക്കുകയായിരുന്നു. ഇവിടെ ചികിത്സയിലിരിക്കെയാണ് മരണം സംഭവിച്ചത്.