മസ്‌കത്ത്: ഒമാനില്‍ കുട്ടികളുമായി പോയ ബസ് അപകടത്തില്‍പ്പെട്ട് നാലു പേര്‍ മരിച്ചതായി റോയല്‍ ഒമാന്‍ പൊലിസ് അറിയിച്ചു. ഡ്രൈവറും മൂന്ന് കുട്ടികളുമാണ് മരിച്ചത്. ഇസ്‌കി ഗവര്‍ണറേറ്റിലെ അല്‍ റുസൈസ് പ്രദേശത്ത് വെച്ചാണ് അപകടം സംഭവിച്ചത്. ഒരു വസ്തുവില്‍ ഇടിച്ച ശേഷം ബസ് മറിയുകയായിരുന്നുവെന്ന് പൊലിസ് വ്യക്തമാക്കി.

ALSO READ: കോൺസുലാർ, പാസ്‌പോർട്ട്, വിസ സേവനങ്ങൾ നൽകുന്നതിന് 11 പുതിയ സേവന കേന്ദ്രങ്ങൾ ആരംഭിക്കും; മസ്കത്ത് ഇന്ത്യൻ എംബസി

അപകടത്തില്‍ 12 വിദ്യാര്‍ത്ഥികള്‍ക്ക് പരുക്കേറ്റു. കഴിഞ്ഞ വര്‍ഷം ഒമാനിലുണ്ടായ വെള്ളപ്പൊക്കത്തില്‍ വാഹനങ്ങള്‍ ഒലിച്ചുപോയതിനെ തുടര്‍ന്ന് ഒമ്പത് വിദ്യാര്‍ത്ഥികള്‍ മരിച്ചിരുന്നു. ഇക്കാലയളവില്‍ ഉണ്ടായ പേമാരിയില്‍ കുറഞ്ഞത് 21 പേരാണ് മരിച്ചത്.

ALSO READ: ഒമാനില്‍ കനത്ത പൊടിക്കാറ്റിന് സാധ്യത: ദൃശ്യപരത കുറയും; ജാഗ്രതാ നിര്‍ദേശം പുറപ്പെടുവിച്ച് പൊലിസ്

2024 ജൂലൈയില്‍ ഒമാന്‍ തലസ്ഥാനമായ മസ്‌കത്തിലെ ഒരു പള്ളിക്ക് സമീപമുണ്ടായ വെടിവയ്പ്പില്‍ ഒരു പൊലിസ് ഉദ്യോഗസ്ഥനും മൂന്ന് തോക്കുധാരികളും ഉള്‍പ്പെടെ ഒമ്പത് പേരും കൊല്ലപ്പെട്ടിരുന്നു.

A devastating bus accident in Oman has claimed the lives of the driver and three children. Authorities are investigating the cause of the crash as the nation mourns the tragic loss.