മഞ്ചേരി: എക്‌സൈസ് ഇന്‍സ്‌പെക്ടര്‍ വേലായുധന്‍ കുന്നത്തിന്റെ നേതൃത്വത്തില്‍ നടത്തിയ പ്രത്യേക റെയ്ഡില്‍ നൂറ് ലിറ്റര്‍ വാഷ് പിടികൂടി. എടവണ്ണ കുന്നുമ്മലിലെ പ്രത്യേക കേന്ദ്രത്തില്‍ നിന്നാണ് വാഷ് പിടികൂടിയത്.
എന്നാല്‍ ഇത് കൈവശംവച്ച പ്രതിയെ പിടികൂടാനായിട്ടില്ല. അലുമിനിയം കലത്തിലും പ്ലാസ്റ്റിക്ക് കലത്തിലുമായി  സൂക്ഷിച്ചുവെച്ച നിലയിലായിരുന്നു വാഷ്.
പ്രതിക്കു വേണ്ടി അന്വേഷണം ശക്തമാക്കിയിട്ടുണ്ടെന്ന് എക്‌സൈസ് ഇന്‍സ്‌പെക്ടര്‍ പറഞ്ഞു. പ്രിവന്റീവ് ഓഫീസര്‍ ശ്രീകുമാര്‍, സിവില്‍ എക്‌സൈസ് ഉദ്യോഗസ്ഥരായ വഹാബ്, രഞ്ജിത് തുടങ്ങിയവരും സംഘത്തിലുണ്ടായിരുന്നു.