ലണ്ടന്‍: ലോകകപ്പിനൊരുങ്ങുന്ന ഇംഗ്ലണ്ടിന് ഇരട്ടി മധുരമായി പരമ്പര നേട്ടം. പാകിസ്താനെതിരേയുള്ള പരമ്പര തൂത്തുവാരിയാണ് ഇംഗ്ലണ്ട് ലോകകപ്പിന് മുമ്പുള്ള അവസാന പരമ്പര അവിസ്മരണീയമാക്കിയത്.
അവസാന ഏകദിനത്തില്‍ പാകിസ്താനെ 52 റണ്‍സിന് തകര്‍ത്താണ് ഇംഗ്ലണ്ട് പരമ്പര സ്വന്തമാക്കിയത്. മുന്‍നിര ബാറ്റ്‌സ്മാന്‍ എല്ലാം ഇംഗ്ല@ണ്ടിന് വേണ്ട@ി മികച്ച പ്രകടനം പുറത്തെടുത്തപ്പോള്‍ ഇംഗ്ല@ണ്ട് സ്‌കോര്‍ കുതിക്കുകയായിരുന്നു. ആദ്യം ബാറ്റ് ചെയ്ത ഇംഗ്ലണ്ട് ഒന്‍പത് വിക്കറ്റ് നഷ്ടത്തില്‍ 351 റണ്‍സെടുത്തു.
മറുപടി ബാറ്റിങ്ങിനിറങ്ങിയ പാകിസ്താന്‍ 46.5 ഓവറില്‍ 297 റണ്‍സെടുത്തു. ഇയാന്‍ മോര്‍ഗന്‍, ജോ റൂട്ട് എന്നിവരുടെ മികച്ച ഇന്നിങ്‌സാണ് ഇംഗ്ലണ്ടിന് കൂറ്റന്‍ സ്‌കോര്‍ സമ്മാനിച്ചത്. മോര്‍ഗന്‍ 64 പന്തില്‍ 76 റണ്‍സും ജോ റൂട്ട് 73 പന്തില്‍ 84 ഉം റണ്‍സെടുത്തു. പരമ്പരയില്‍ ബാറ്റ് ചെയ്ത നാല് ഏകദിന മത്സരങ്ങളിലും 300 റണ്‍സിന് മുകളില്‍ സ്‌കോര്‍ നേടാന്‍ ഇംഗ്ലണ്ട@ിനായി.