മട്ടാഞ്ചേരി: സിനിമയില്‍ നായകനായി അഭിനയിക്കുന്നതിന് സൗന്ദര്യം ഒരു ഘടകമല്ലാതായി മാറിയിരിക്കയാണെന്ന് പി.എസ്.സി. മുന്‍ ചെയര്‍മാന്‍ കെ.എസ്.രാധാകൃഷ്ണന്‍.
ശ്രീകരം ഹെല്‍ത്ത് കെയറിന്റെ ആഭിമുഖ്യത്തില്‍ നടന്നു വന്നിരുന്ന കരിയര്‍ ശില്പശാലയുടെ സമാപന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പ്രേം നസീര്‍ മൂന്ന് തലമുറകള്‍ക്ക് പ്രിയപ്പെട്ട നായകനായിരുന്നു. സൗന്ദര്യവും ,കഴിവും അദ്ദേഹത്തിന് ജഗദീശ്വരന്‍ നല്‍കി അനുഗ്രഹിച്ചിരുന്നു. ഇന്ന് സൗന്ദര്യത്തെക്കാള്‍ സിനിമക്ക് പ്രാധാന്യം കഴിവുകളാണെന്നും അദ്ദേഹം കൂട്ടിച്ചേര്‍ത്തു. ആര്‍.പ്രകാശ് അധ്യക്ഷത വഹിച്ചു.ശ്രീകരം പ്രസിഡന്റ് ചന്ദ്രകാന്ത് സംഘാനി, ബി.വിനോദ് , റോഷന്‍ ജോളി, എം.ജി. പൈ ,ബി.ആനന്ദരാജ്, സി.ജി.പ്രദീപ് ,യു.എന്‍.രവി, ജയരാജ് എന്നിവര്‍ സംസാരിച്ചു. സൗന്ദര്യം ഒരു ഘടകമല്ലാതായി മാറി: കെ.എസ്.രാധാകൃഷ്ണന്‍ .