കൊച്ചി: ചരക്കുസേവന നികുതി(ജി.എസ്.ടി) നടപ്പാക്കുന്ന സാഹചര്യത്തില്‍ കൊച്ചിയിലെ വ്യാപാരികള്‍ക്കും വ്യവസായികള്‍ക്കും സ്ഥാപനങ്ങള്‍ക്കും വേണ്ടി 'ജിഎസ്ടി ഇന്‍ എ ബോക്‌സു'മായി സാപ്.
കൊച്ചിയെ ജി.എസ്.ടി അനുകൂല നഗരമാക്കി മാറ്റുകയെന്ന ലക്ഷ്യത്തോടെയാണ് പരിപാടിക്ക് തുടക്കം കുറിച്ചിരിക്കുന്നത്. ഇതോടനുബന്ധിച്ച് നഗരത്തില്‍ 'ജി.എസ്.ടി ഹെല്‍ത്ത് ചെക്ക്‌ ്രൈഡവ്' നടത്തുമെന്നും സാപ് ഭാരവാഹികള്‍ അറിയിച്ചു.
വിസെന്‍ട്രിക് ടെക്‌നോളജീസിന്റെ സഹകരണത്തോടെയാണ് 'ജിഎസ്ടി ഹെല്‍ത്ത് ചെക്ക്‌ ്രൈഡവ്' സംഘടിപ്പിക്കുന്നത്. ജി.എസ്.ടി എന്താണെന്ന് കമ്പനികള്‍ക്ക് മനസിലാക്കി കൊടുക്കുകയും അവരെ ജി.എസ്.ടിക്ക് പര്യാപ്തരാക്കുകയുമാണ് ഈ റോഡ് ഷോ വഴി ലക്ഷ്യമിടുന്നതെന്ന് സാപിന്റെ ജി.എസ്.ടി അഡോപ്ഷന്‍ ്രൈഡവ് മേധാവി നീരജ് അത്താലെ പറഞ്ഞു. മുംബൈ, അഹമ്മദാബാദ്, ചെന്നൈ, കൊച്ചി തുടങ്ങി 21 നഗരങ്ങളില്‍ 'ജി.എസ്.ടി ഹെല്‍ത്ത് ചെക്ക്‌ ്രൈഡവ്' നടത്തും.