തിരുവനന്തപുരം: കരമന അനന്തു ഗിരീഷ് വധക്കേസില്‍ പൊലിസ് കുറ്റപത്രം സമര്‍പ്പിച്ചു.
കൊലപാതകം നടന്ന് 72 ദിവസം പിന്നിടുമ്പോഴാണ് ഫോര്‍ട്ട് അസി. കമ്മിഷണര്‍ പ്രതാപന്‍ നായര്‍ അന്വേഷണം പൂര്‍ത്തിയാക്കി തിരുവനന്തപുരം സെഷന്‍സ് കോടതിയില്‍ കുറ്റപത്രം സമര്‍പ്പിച്ചത്.
കൊലപാതകം, തെളിവുനശിപ്പിക്കല്‍, എസ്.സി, എസ്.ടി വിഭാഗങ്ങള്‍ക്കെതിരായ അതിക്രമങ്ങള്‍ തടയല്‍, ഗൂഢാലോചന എന്നിവയാണ് പ്രതികള്‍ക്കെതിരെ ചുമത്തിയിരിക്കുന്നത്. 128 സാക്ഷികളും 81 തൊണ്ടിമുതലുകളും 114 രേഖകളുമുണ്ട്.
മയക്കുമരുന്ന് റാക്കറ്റില്‍പ്പെട്ട 14 പ്രതികള്‍ ചേര്‍ന്ന് അനന്തുവിനെ തട്ടിക്കൊണ്ടുപോയി മര്‍ദിച്ചു കൊല്ലുകയായിരുന്നു. കേസിലെ എല്ലാ പ്രതികളും മാര്‍ച്ച് മാസം തന്നെ അറസ്റ്റിലായിരുന്നു.