താമരശ്ശേരി: ദേശീയപാതയില്‍ താമരശേരി ചുരം റോഡില്‍ രണ്ടാംവളവിന് സമീപം കാര്‍ കൊക്കയിലേക്ക് മറിഞ്ഞ് മൂന്നുപേര്‍ക്ക് പരുക്കേറ്റു. വൈത്തിരി സ്വദേശികളായ നവാസ് (29), നൗഫല്‍ (28), നിയാസ് (28) എന്നിവര്‍ക്കാണ് പരുക്കേറ്റത്. ഇവരെ കോഴിക്കോട് മെഡിക്കല്‍ കോളജ് ആസ്പത്രയില്‍ പ്രവേശിപ്പിച്ചു. ഇന്നലെ രാത്രി ഒന്‍പതരയോടെയാണ് അപകടം.
ചുരം കയറിപ്പോവുന്ന കാറാണ് ഏതാണ്ട് അമ്പത് അടിയോളം താഴ്ചയിലേക്ക് മറിഞ്ഞത്. ഇതുവഴി വന്ന മറ്റുവാഹനങ്ങള്‍ വിവരമറിയിച്ചതിനെ തുടര്‍ന്ന് അടിവാരത്തു നിന്നെത്തിയ പൊലിസും ചുരം സംരക്ഷണ സമിതി പ്രവര്‍ത്തകരും ചേര്‍ന്നാണ് പരുക്കേറ്റവരെ ആസ്പത്രിയിലെത്തിച്ചത്.