ആലുവ: റെയില്‍വെ സ്റ്റേഷനില്‍ ഗുഡ്‌ഷെഡ് നിലനിറുത്തി പടിഞ്ഞാറന്‍ കവാടം യാഥാര്‍ഥ്യമാക്കണമെന്നാവശ്യപ്പെട്ട് തൊഴിലാളികള്‍ ഇന്ന് ശ്രദ്ധക്ഷണിക്കല്‍ സമ്മേളനം നടത്തും.
രാവിലെ എട്ടിന് പങ്കജം കവലയില്‍ നടക്കുന്ന സമ്മേളനം അന്‍വര്‍ സാദത്ത് എം.എല്‍.എ ഉദ്ഘാടനം ചെയ്യും. മാധ്യമ നിരൂപകന്‍ അഡ്വ. എന്‍. ജയശങ്കര്‍ മുഖ്യപ്രഭാഷണം നടത്തും.
ആലുവ റെയില്‍വേ സ്റ്റേഷനില്‍ പടിഞ്ഞാറന്‍ കവാടം വരുന്നതിന് ഗുഡ്‌ഷെഡിലെ ചുമട്ടുതൊഴിലാളികളും ലോറി തൊഴിലാളികളും എതിരാണെന്ന പ്രചരണം വ്യാപകമായ സാഹചര്യത്തിലാണ് ശ്രദ്ധക്ഷണിക്കല്‍ സമ്മേളനം സംഘടിപ്പിക്കുന്നതെന്ന് ഐ.എന്‍.ടി.യു.സി സംസ്ഥാന സെക്രട്ടറി വി.പി. ജോര്‍ജ്, സി.ഐ.ടി.യു ഏരിയ സെക്രട്ടറി എ.പി. ഉദയകുമാര്‍ എന്നിവര്‍ പറഞ്ഞു.