കോട്ടയം: വാകത്താനം പ്രോഗ്രസീവ് ക്ലബ് ആന്‍ഡ് ലൈബ്രറിയുടെ പ്ലാറ്റിനം ജൂബിലി സമാപനം 13, 14 തീയതികളില്‍ നടക്കും.
13നു വൈകുന്നേരം 4.30നു സാംസ്‌കാരിക റാലി. തുടര്‍ന്നു ഞാലിയാകുഴി മഹാത്മജി ഓഡിറ്റോറിയത്തില്‍ പ്രതിഭാസംഗമം നടത്തും.
ഡോ. ഹരികുമാര്‍ ചങ്ങമ്പുഴ ഉദ്ഘാടനം ചെയ്യും. പ്രഫ. കെ.വി. ശശിധരന്‍ നായര്‍ അധ്യക്ഷതവഹിക്കും. ഡോ. ആശാലത, പ്രഫ. കെ.ആര്‍. ചന്ദ്രമോഹന്‍, ജയിംസ് വര്‍ഗീസ്, കെ.എസ്. യോഹന്നാന്‍, ഷൈന്‍ ആന്‍സി ചെറിയാന്‍ എന്നിവര്‍ പ്രസംഗിക്കും. സമ്മേളനത്തോടനുബന്ധിച്ച് അവാര്‍ഡ് ജേതാക്കളെയും ലൈബ്രറിയുടെ മുന്‍കാല ഭാരവാഹികളെയും ആദരിക്കും.
 തുടര്‍ന്നു ചേരുന്ന കവിസമ്മേളനം ശശിക്കുട്ടന്‍ വാകത്താനം അധ്യക്ഷതവഹിക്കും. സി.വി. ജയന്‍, പ്രഫ. എന്‍.ഇ. കേശവന്‍, ഔസേപ്പ് ചിറ്റക്കാട്ട്, മണര്‍കാട് ശശികുമാര്‍, ഇ.സി. സ്‌കറിയ എന്നിവര്‍ പങ്കെടുക്കും. 14നു വൈകുന്നേരം 4.30നു സോപാന സംഗീതം.
പ്ലാറ്റിനം ജൂബിലി സമ്മേളനം ഉമ്മന്‍ ചാണ്ടി ഉദ്ഘാടനം ചെയ്യും. രാജഗോപാല്‍ വാകത്താനം അധ്യക്ഷതവഹിക്കും. ബന്യാമിന്‍, ബ്ലെസി എന്നിവര്‍ വിശിഷ്ടാതിഥികളിയിരിക്കും.
ഡോ. പി.ജെ. കുര്യന്‍, ബേബിമോള്‍ എം. വര്‍ക്കി, വി.എന്‍. വാസവന്‍, ജോഷി ഫിലിപ്പ്, വി.കെ. കരുണാകരന്‍, സജി കെ. ജോര്‍ജ്, ലൈസാമ്മ ജോര്‍ജ്, സുധാ കുര്യന്‍, ജി. ശ്രീകുമാര്‍, ജയിംസ് ജേക്കബ് എന്നിവര്‍ പ്രസംഗിക്കും. പത്രസമ്മേളനത്തില്‍ രാജഗോപാല്‍ വാകത്താനം, ഡോ. പി.ജെ. കുര്യന്‍, പ്രഫ. കെ.വി. ശശിധരന്‍ നായര്‍ എന്നിവര്‍ പങ്കെടുത്തു.