ആലുവ :'ഖുര്‍ആന്‍ സുകൃതത്തിന്റെ വചനപ്പൊരുള്‍ 'എന്ന പ്രമേയത്തില്‍ റമളാന്‍ കാംപയിന്റെ ഭാഗമായി എസ്.കെ.എസ്.എസ്.എഫ് ആലുവ മേഖല കമ്മിറ്റി സംഘടിപ്പിക്കുന്ന റമളാന്‍ ത്രിദിന പ്രഭാഷണ പരമ്പരയുടെ പ്രചാരണ പ്രവര്‍ത്തനത്തിന്റെ ഉദ്ഘാടനം സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫസര്‍ കെ.ആലിക്കുട്ടി മുസ്‌ലിയാര്‍  നിര്‍വ്വഹിച്ചു.
എസ്.കെ.എസ്.എസ്.എഫ് സഹചാരി ജില്ലാ ചെയര്‍മാന്‍ കെ.എം ബശീര്‍ ഫൈസി അധ്യക്ഷത വഹിച്ചു.എംസ്.എം.എഫ് ജില്ലാ ട്രഷറര്‍ വി.കെ മുഹമ്മദ് ഹാജിയില്‍ നിന്നും ആദ്യ ഫണ്ട് പ്രൊഫസര്‍ കെ.ആലിക്കുട്ടി മുസ്‌ലിയാര്‍ ഏറ്റുവാങ്ങി.
ആലുവ സെന്റട്രല്‍ ജുമുഅ: മസ്ജിദ് സെക്രട്ടറി ടി.എസ് മൂസഹാജി, എസ്.കെ.എസ്.എസ്.എഫ് ജില്ലാ വര്‍ക്കിംഗ് സെക്രട്ടറി കെ.കെ അബ്ദുള്ള ഇസ്ലാമിയ,മേഖല സെക്രട്ടറി സിദ്ദീഖ് കുഴിവേലിപ്പടി,മേഖല വൈസ് പ്രസിഡന്റ് കെ.കെ അബ്ദുള്‍ സലാം ഇസ്ലാമിയ,ടൗണ്‍ സെക്രട്ടറി അന്‍സാര്‍ ഗ്രാന്റ്,റ്റി.എം മുഹമ്മദ് റഫീഖ് എന്നിവര്‍ സംസാരിച്ചു.
ജൂണ്‍ 12,13,14 തോട്ടുമുഖം എന്‍.കെ ഓഡിറ്റോറിയത്തില്‍ രാവിലെ 9 മുതല്‍ ഉച്ചക്ക് 12 മണി വരെ നടക്കുന്ന പ്രഭാഷണ പരമ്പരയില്‍ പ്രമുഖ ഖുര്‍ആന്‍ പണ്ഡിതന്‍ ഉസ്താദ് അന്‍വര്‍ മുഹിയുദ്ദീന്‍ ഹുദവി മുഖ്യ പ്രഭാഷണം നടത്തും പരിപാടിയുടെ വിജയത്തിനായുള്ള സ്വാഗത സംഘയോഗം മെയ് 12 വെള്ളിയാഴ്ച വൈകിട്ട് 4.30ന് ആലുവ സെന്റട്രല്‍ ജുമാ മസ്ജിദ് ഹാളില്‍ നടക്കും.