കയ്പമംഗലം: ചെന്ത്രാപ്പിന്നി കരയോഗത്തിന്റെ ആഭിമുഖ്യത്തില്‍ വിദ്യാഭ്യാസ അവാര്‍ഡും ധനസഹായ വിതരണവും നടത്തി.
ചാമക്കാല ഗവ. മാപ്പിള ഹയര്‍ സെക്ക്ന്‍ഡറി സ്‌കൂളില്‍ നടന്ന ചടങ്ങ് ധീവരസഭ സംസ്ഥാന ജനറല്‍ സെക്രട്ടറി വി.ദിനകരന്‍ ഉദ്ഘാടനം ചെയ്തു. കരയോഗം പ്രസിഡന്റ് കെ.കെ.രാധാകൃഷ്ണന്‍ അധ്യക്ഷനായി.
ധീവരസഭ ജില്ല പ്രസിഡന്റ് പി.വി.ജനാര്‍ദ്ദനന്‍ മുഖ്യപ്രഭാഷണം നടത്തി. സംസ്ഥാന സെക്രട്ടറി ജോഷി ബ്ലാങ്ങാട്ട് പുരസ്‌കാര വിതരണവും ജില്ലാ സെക്രട്ടറി കെ.വി.തമ്പി ക്യാഷ് അവാര്‍ഡ് വിതരണവും നടത്തി. ധീവരസഭ മുന്‍ സംസ്ഥാന പ്രസിഡന്റ് പി.എന്‍.ബാലകൃഷ്ണന്‍ ധനസഹായ വിതരണവും താലൂക്ക് പ്രസിഡന്റ് ഷാജു തലാശ്ശേരി പഠനകിറ്റ് വിതരണവും നടത്തി. മണി കാവുങ്ങല്‍, എ.കെ.പീതാംബരന്‍, എ.വി.വാട്‌സണ്‍, ശകുന്തള ശശിധരന്‍, എ.ജി.ദാസന്‍, വേണു ഇരിങ്ങത്തുരുത്തി സംസാരിച്ചു.