കൊച്ചി : പഞ്ചാബിലെ ഫഗ്‌വാരയില്‍ ഈ മാസം 15ന് ആരംഭിക്കുന്ന സീനിയര്‍ വനിതാ ദേശീയ ഫുട്‌ബോള്‍ ചാംപ്യന്‍ഷിപ്പില്‍ പങ്കെടുക്കുന്ന കേരള ടീമിനെ കെ.വി അതുല്യ (കോഴിക്കോട്) നയിക്കും. മലപ്പുറത്തിന്റെ കെ അതുല്യയാണ് വൈസ് ക്യാപ്റ്റന്‍.
അനുപമ സജി (തൃശൂര്‍), അജിത കെ.ടി (കോഴിക്കോട്), ഹീര ആര്‍ രാഗ് (കണ്ണൂര്‍) എന്നിവരാണ് ഗോള്‍ കീപ്പര്‍മാര്‍. അതുല്യ കെ.വി (ക്യാപ്റ്റന്‍), രേഷ്‌ന (മലപ്പുറം), ശ്രുതി, മഞ്ജു ബേബി, രേഷ്മ സി (തൃശൂര്‍), ഫെമി രാജ് വി (കണ്ണൂര്‍) എന്നിവരാണ് പ്രതിരോധ നിരയില്‍. നിഖില ടി (കോഴിക്കോട്), സ്‌നേഹ ലക്ഷ്മണന്‍ (തൃശ്ശൂര്‍), സരിക കെ.വി (കോട്ടയം), നെജുമുന്നിസ എം, അതുല്യ ബായി വി.എം (കണ്ണൂര്‍), സിതാര കെ.ടി (മലപ്പുറം), ആര്‍ദ്ര കൃഷ്ണന്‍കുട്ടി (പത്തനംതിട്ട) എന്നിവര്‍ മധ്യനിരയില്‍ ഉള്‍പ്പെടുന്നു. മുന്നേറ്റ നിരയില്‍ സുഭിത പൂവാറ്റ (കണ്ണൂര്‍), അതുല്യ കെ (വൈസ് ക്യാപ്റ്റന്‍), സുചിത്ര പി.കെ (പത്തനംതിട്ട), നിത്യ (തൃശൂര്‍) എന്നിവരാണുള്ളത്.
കോച്ച്: പ്രിയ കെ.വി (കണ്ണൂര്‍), ജോണ്‍ കളരിക്കല്‍ (എറണാകുളം) അസി. കോച്ച്. രശ്മി പ്രിയ (എറണാകുളം) ഫിസിയോ, ഗിരിജ മധു (ആലപ്പുഴ) മാനേജര്‍ എന്നിവരാണ് മറ്റ് ടീം അംഗങ്ങള്‍.