കൊച്ചി: പാലാ ഉള്‍പ്പെടെയുള്ള നാല് സീറ്റുകള്‍ എന്‍.സി.പിയുടേത് തന്നെയാണെന്ന് സംസ്ഥാന അധ്യക്ഷന്‍ ടി.പി പീതാംബരന്‍. പാലാ സീറ്റ് വിട്ടുകൊടുക്കണമെന്ന് ആരും ആവശ്യപ്പെട്ടിട്ടില്ലെന്നും അദ്ദേഹം വ്യക്തമാക്കി. പാര്‍ട്ടിയില്‍ ഇതുവരെ ഭിന്നതയില്ല. പാലാ ഉള്‍പ്പെടെയുള്ള എന്‍.സി.പിയുടെ നാലു സീറ്റുകളിലും പാര്‍ട്ടി തന്നെ മത്സരിക്കുമെന്നും അദ്ദേഹം വ്യക്തമാക്കി.
പാലാ സീറ്റ് സംബന്ധിച്ച് ഒരു കാര്യവും ഇതുവരെ എല്‍.ഡി.എഫ് നിര്‍ദേശിച്ചിട്ടില്ല. സീറ്റ് മാറ്റം ആരും ആവശ്യപ്പെടുമെന്ന് പ്രതീക്ഷിക്കുന്നില്ലെന്നും അദ്ദേഹം വ്യക്തമാക്കി. ജോസ് കെ.മാണിക്ക് പാലാ സീറ്റ് നല്‍കാമെന്ന് ഉറപ്പ് നല്‍കിയിട്ടുണ്ടോ എന്ന കാര്യം തനിക്ക് അറിയില്ലെന്നും ടി.പി പീതാംബരന്‍ വ്യക്തമാക്കി.