കൊച്ചി: കഴിഞ്ഞ സീസണില്‍ വന്‍ പ്രതീക്ഷയോടെ ടീമില്‍ എത്തിയ സ്ലൊവേനിയന്‍ താരം പൊപ്ലാനികിനെ റിലീസ് ചെയ്യാനുള്ള ഒരുക്കത്തിലാണ് ബ്ലാസ്റ്റേഴ്‌സ് അധികൃതര്‍. കഴിഞ്ഞ സീസണില്‍ വെറും നാലു ഗോളുകള്‍ മാത്രമേ പൊപ്ലാനികിന് നേടാനായിട്ടുള്ളൂ. സ്ലൊവേനിയന്‍ ലീഗില്‍ ഗോളടിച്ച് താരമായി മാറിയ പൊപ്ലാനികിന് ഇന്ത്യന്‍ സൂപ്പര്‍ ലീഗില്‍ തിളങ്ങാന്‍ കഴിഞ്ഞിട്ടില്ല. 26കാരനായ പൊപ്ലാനിക് സ്ലൊവേനിയ ക്ലബ്ബായ ട്രിഗ്ലാവിനു വേ@ണ്ടി ര@ണ്ട് സീസണുകളിലായി 40ല്‍ അധികം ഗോളുകള്‍ നേടിയിരുന്നു. താരത്തിന് ഇന്ത്യയില്‍ തന്നെ തുടരണം എന്ന് ആഗ്രഹമുള്ളതിനാല്‍ ഇന്ത്യന്‍ ക്ലബ്ബുകളുടെ ഓഫറുകള്‍ക്കായി കാത്തിരിക്കുകയാണ്. ഏതെങ്കിലും ഐ.എസ്.എല്‍ ക്ലബ് ആവശ്യവുമായി രംഗത്തെത്തിയാല്‍ ഉടന്‍ തന്നെ ക്ലബ് താരത്തെ വിട്ട് നല്‍കും.
എന്നാല്‍ സ്റ്റൊഹാനോവിചിനെ ടീമില്‍ നിലനിര്‍ത്തിയേക്കും. കേരള പ്രീമിയര്‍ ലീഗില്‍ അടക്കം ബ്ലാസ്റ്റേഴ്‌സിനായി കളിച്ച താരത്തെ കുറിച്ച് ടീം അധികൃതര്‍ക്കും പരിശീലകനും മികച്ച അഭിപ്രായമാണുള്ളത്.