തൃശൂര്‍: പ്രശസ്ത പത്രപ്രവര്‍ത്തകനും എക്‌സ്പ്രസ് മുന്‍ പത്രാധിപരുമായിരുന്ന ടി.വി അച്യുതവാര്യരുടെ സ്മരണാര്‍ഥം തൃശൂര്‍ പ്രസ് ക്ലബ് ഏര്‍പ്പെടുത്തിയ ആറാമത് അച്യുതവാര്യര്‍ സ്മാരക പുരസ്‌കാരങ്ങള്‍ പ്രഖ്യാപിച്ചു. പരിസ്ഥിതി സംബന്ധിയായ മികച്ച വാര്‍ത്താ ചിത്രത്തിനുള്ള പുരസ്‌കാരം മലയാള മനോരമ പത്തനംതിട്ട യൂനിറ്റിലെ ഫോട്ടോഗ്രാഫര്‍ അരവിന്ദ് വേണുഗോപാലും പരിസ്ഥിതി സംബന്ധിയായ മികച്ച വാര്‍ത്താ ദൃശ്യത്തിനുള്ള പുരസ്‌കാരം ടി.സി.വി കാമറമാന്‍ ബിജു ആമക്കോടും കരസ്ഥമാക്കി. 10,001 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം.
ജൂണ്‍ അഞ്ചിന് രാവിലെ 11ന് തൃശൂര്‍ പ്രസ് ക്ലബില്‍ നടക്കുന്ന ചടങ്ങില്‍ മന്ത്രി എ.സി മൊയ്തീന്‍ പുരസ്‌കാരങ്ങള്‍ വിതരണം ചെയ്യും