പൂനെ: ഷൂട്ടിങ് ഗ്രാന്‍ഡ് പ്രീയില്‍ പങ്കെടുത്ത് മടങ്ങി വരികയായിരുന്ന ഇന്ത്യന്‍ ഷൂട്ടര്‍മാരെ ഡല്‍ഹിയിലെ ഇന്ദിരാ ഗാന്ധി അന്താരാഷ്ട്ര വിമാനത്താവളത്തില്‍ തടഞ്ഞുവച്ചത് വിവാദമാകുന്നു.
13 മണിക്കൂറോളമാണ് ഇവര്‍ പുറത്തു കടക്കാനാവാതെ വിമാനത്താവളത്തില്‍ കുടുങ്ങി കിടന്നത്. 15ഓളം താരങ്ങളാണ് സംഘത്തിലുണ്ടായിരുന്നത്.
ഇവരുടെ കൈവശമുണ്ടായിരുന്ന ഷൂട്ടിങ് ഗണ്ണുകള്‍ക്ക് അനുമതി ലഭിക്കാത്തതിനെ തുടര്‍ന്നാണ് താരങ്ങള്‍ വിമാനത്താവളത്തില്‍ ഇത്രയധികം സമയം ചെലവഴിക്കേണ്ടി വന്നത്. ടൂര്‍ണമെന്റിനായി പോവുമ്പോള്‍ വിമാനത്താവളാധികൃതര്‍ തന്ന അനുമതി പത്രം താരങ്ങളുടെ കൈവശമുണ്ടായിരുന്നു. എന്നിട്ടും ഇവര്‍ അനാവശ്യമായി താരങ്ങളെ തടഞ്ഞു വയ്ക്കുകയായിരുന്നെന്നാണ് ആരോപണം.