വടക്കാഞ്ചേരി: ഉപജില്ലാ വിദ്യാഭ്യാസ ഓഫിസ് ഇനി മുതല്‍ പുതിയ സ്ഥലത്ത്. വടക്കാഞ്ചേരി പൊലിസ് സ്റ്റേഷന് മുന്നിലുള്ള സര്‍ക്കാര്‍ കെട്ടിട സമുച്ചയത്തിലേക്ക് ഓഫിസ് മാറ്റി സ്ഥാപിച്ചു.
ഇതോടെ ഇടുങ്ങിയ കെട്ടിടത്തില്‍ നിന്ന് എ.ഇ.ഒ ഓഫിസിന് മോചനമായി.
നിരവധി ഓഫിസുകള്‍ ഉള്‍പ്പെടുന്ന കെട്ടിട സമുച്ചയം മാസങ്ങള്‍ക്ക് മുന്‍പ് ഉദ്ഘാടനം ചെയ്തതാണെങ്കിലും എ.ഇ.ഒ ഓഫിസ് ഇങ്ങോട്ട് മാറ്റുന്നതില്‍ അധികൃതരുടെ ഭാഗത്ത് നിന്നുണ്ടായ വീഴ്ച വലിയ പ്രതിഷേധത്തിന് വഴിവെച്ചിരുന്നു.
അധികൃത അനാസ്ഥ സുപ്രഭാതം വാര്‍ത്ത പുറത്ത് വിടുകയും ചെയ്തു. ഇതിനെ തുടര്‍ന്ന് കൂടിയാണ് ഇപ്പോള്‍ ഓഫിസ് മാറ്റി സ്ഥാപിക്കുന്നത്.