ഗൂഡല്ലൂര്‍: വസന്തോത്സവത്തിന്റെ ഭാഗമായി ഗൂഡല്ലൂരില്‍ സുഗന്ധവ്യജ്ഞന പ്രദര്‍ശനം ആരംഭിച്ചു. പ്രദര്‍ശനം ഇന്നലെ ജില്ലാ റവന്യു ഓഫിസര്‍ ഭാഷക്കര പാണ്ടിയന്‍ ഉദ്ഘാടനം ചെയ്തു.
ജില്ലാ ഭരണകൂടം, കാര്‍ഷിക വകുപ്പ് ,വിനോദ സഞ്ചാര വകുപ്പ് എന്നിവയുടെ സംയുക്താഭിമുഖ്യത്തിലാണ് പരിപാടി. പ്രദര്‍ശനത്തിന്റെ ഭാഗമായി അമ്യൂസ്‌മെന്റ് പാര്‍ക്ക്, ചില്‍ഡ്രന്‍സ് പാര്‍ക്ക് എന്നിവയും ഒരുക്കിയിട്ടുണ്ട്. വിവിധ ഭക്ഷ്യധാന്യങ്ങള്‍ക്കൊണ്ട് നിര്‍മിച്ച ഇന്ത്യന്‍ നേവിയുടെ ഹെലികോപ്റ്ററിന്റെ മാതൃക സഞ്ചാരികളെ ഏറെ ആകര്‍ഷിക്കുന്നുണ്ട്. വിദേശികള്‍ ഉള്‍പെടെ ആയിരക്കണക്കിന് സഞ്ചാരികളാണ് വസന്തോത്സവത്തിന് നീലഗിരി ജില്ലയിലെത്തുന്നത്. സുഗന്ധവ്യജ്ഞന പ്രദര്‍ശനത്തിനും നിരവധി സഞ്ചാരികള്‍ എത്തുന്നുണ്ട്. പ്രദര്‍ശനം നാളെ സമാപിക്കും.