പത്തനംതിട്ട: അബാന്‍ ജങ്ഷന് സമീപം പ്രവര്‍ത്തിക്കുന്ന ജില്ലാ പി.എസ്.സി ഓഫിസില്‍ തീപ്പിടിത്തം. രാവിലെ 9.30ന് ഓഫിസിന്റെ മൂന്നാം നിലയിലാണ് തീപ്പിടിത്തമുണ്ടായത്. രാവിലെ സെക്യൂരിറ്റി ജീവനക്കാരനെത്തി എ.സി പ്രവര്‍ത്തിച്ചപ്പോള്‍ അതില്‍ നിന്നും പൊട്ടിത്തെറിയുണ്ടാവുകയായിരുന്നു.

പി.എസ്.സി ഓഫിസറുടെ മുറിയോട് ചേര്‍ന്നാണ് എ.സി സ്ഥാപിച്ചത്. തീപ്പിടിത്തത്തോടെ മുറിയെ കംപ്യൂട്ടറുകള്‍ കത്തിനശിച്ചു. ഫയര്‍ഫോഴ്‌സ് എത്തിയാണ് തീയണച്ചത്. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമികനിഗമനം.