ചെന്നൈ: പ്രശസ്ത തമിഴ് ഹാസ്യനടന്‍ വടിവേലു ബി.ജെ.പിയിലേക്കെന്ന് റിപ്പോര്‍ട്ട്. പാര്‍ട്ടിയോ നടനോ ഇതേക്കുറിച്ച് പരസ്യമായി പ്രതികരിച്ചിട്ടില്ല.

നിരോധനം മൂലം കുറച്ചുകാലം അഭിനയരംഗത്ത് നിന്ന് വിട്ടുനിന്ന നടന്‍ സിനിമകളില്‍ സജീവമാകാനിരിക്കെയാണ് രാഷ്ട്രീയ പാര്‍ട്ടിയില്‍ ചേരുമെന്ന അഭ്യൂഹം ശക്തമായിരിക്കുന്നത്. എന്നാല്‍ തല്‍ക്കാലം സിനിമയില്‍ സജീവമാകാനാണ് ഉദ്ദേശിക്കുന്നതെന്നാണ് വാര്‍ത്തളോട് വടിവേലു പ്രതികരിച്ചത്.

നേരത്തെ തെരഞ്ഞെടുപ്പുകളില്‍ ഡി.എം.കെയെ പിന്തുണച്ച് വടിവേലു പ്രചാരണം നടത്തിയിരുന്നു. പിന്നീട് അദ്ദേഹം രാഷ്ട്രീയ രംഗത്ത് സജീവമായിരുന്നില്ല.

നിയമസഭാ തിരഞ്ഞെടുപ്പിന് മുന്നോടിയായി സിനിമാതാരങ്ങളെ പാര്‍ട്ടിയില്‍ എത്തിക്കാനുള്ള നരന്തര ശ്രമത്തിലാണ് ബി.ജെ.പി. ഗൗതമി, നമിത, രാധാരവി എന്നിവര്‍ പാര്‍ട്ടി സംസ്ഥാന നിര്‍വാഹക സമിതിയംഗങ്ങളാണ്. കോണ്‍ഗ്രസ് ദേശീയ വക്താവായിരുന്ന ഖുഷ്ബു ഈയിടെ ബി.ജെ.പിയില്‍ ചേര്‍ന്നിരുന്നു.