മലപ്പുറം: പെരിന്തല്‍മണ്ണയില്‍ യുവതിയെ പ്രേമിച്ചതിന് യുവാവിന് ഗുണ്ടകളുടെ മര്‍ദനം. പാതായ്ക്കര ചുണ്ടപറ്റ നാഷിദ് അലിയാണ് ആക്രമണത്തിന് ഇരയായത്. യുവാവിനെ മര്‍ദിച്ച് കൈ, കാലുകള്‍ അടിച്ച് തകര്‍ത്തു. മൂത്രം കുടിപ്പിച്ചതായും പരാതിയുണ്ട്. യുവാവിനെ ഗരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. റെയില്‍വെ ട്രാക്കില്‍ കൊണ്ട് പോയി ഇരുമ്പ് ദണ്ഡുകൊണ്ട് അടിക്കുകയും പിന്നീട് ഒരു വീട്ടില്‍ കൊണ്ട് പോയി കാലുകള്‍ മേലോട്ട് കെട്ടി തൂക്കി കൈയിലും കാലിലും കത്തി കൊണ്ട് വരഞ്ഞ് മുറിവുണ്ടാക്കുകയും ചെയ്തു. കാലിനടിയില്‍ തീ കൊണ്ട് പൊള്ളിച്ചു. വിവിധ സ്ഥലങ്ങളില്‍ കൊണ്ട് പോയി മര്‍ദിച്ചുവെന്നും പരാതിയുണ്ട്.