ല@ണ്ടന്‍: ലോകകപ്പ് ക്രിക്കറ്റില്‍ ദക്ഷിണാഫ്രിക്കയ്‌ക്കെതിരേ ബംഗ്ലാദേശിന് 21 റണ്‍സിന്റെ ജയം.

ടോസ് നേടിയ ദക്ഷിണാഫ്രിക്ക ബംഗ്ലാദേശിനെ ബാറ്റിങിന് അയക്കുകയായിരുന്നു. കണക്ക് കൂട്ടലുകള്‍ എല്ലാം തെറ്റിച്ച് ആറ് വിക്കറ്റിന് 330 റണ്‍സാണ് ബംഗ്ലാദേശ് അടിച്ച് കൂട്ടിയത്. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്കക്ക് നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 309 റണ്‍സെടുക്കാനേ കഴിഞ്ഞുള്ളു. ഷാക്കിബ് അല്‍ഹസനും മുഷ്ഫിഖുര്‍ റഹീമും അര്‍ധസെഞ്ചുറികളുമായി ബംഗ്ലാദേശിന് മികച്ച സ്‌കോര്‍ സമ്മാനിച്ചു.

ആദ്യ വിക്കറ്റില്‍ തന്നെ മികച്ച കൂട്ടുകെട്ട് ഉണ്ട@ാക്കാന്‍ ബംഗ്ലാദേശിന് സാധിച്ചു. 60 റണ്‍സാണ് ഓപ്പണിങില്‍ പിറന്നത്. ദക്ഷിണാഫ്രിക്കന്‍ പേസര്‍മാരെ അനായാസം നേരിട്ട സൗമ്യ സര്‍ക്കാര്‍ 30 പന്തില്‍ 42 റണ്‍സെടുത്തു. ഷാക്കിബ് 75 റണ്‍സും മുഷ്ഫിഖുര്‍ 78 റണ്‍സുമെടുത്തു. അവസാന ഓവറുകളില്‍ കത്തിക്കയറിയ മഹമ്മൂദുള്ള 33 പന്തില്‍ 46 റണ്‍സെടുത്തു. ദക്ഷിണാഫ്രിക്കന്‍ ബൗളര്‍മാരായ ക്രിസ് മോറിസ്, ഫെനില്‍കുവായോ എന്നിവര്‍ രണ്ട് വിക്കറ്റ് വീതം വീഴ്ത്തി.