പട്ടാമ്പി: മുന്‍സിപ്പാലിറ്റിയിലെ 19 ാം ഡിവിഷന്‍ നമ്പ്രം തീരദേശ റോഡില്‍ രാത്രിയുടെ മറവില്‍ മാലിന്യം നിക്ഷേപിക്കാന്‍ വന്ന വാഹനത്തെ ജനങ്ങള്‍ തടഞ്ഞ് പൊലിസിലേല്‍പിച്ചു.
ഭാരതപ്പുഴ തീരത്ത് കോഴി, മീന്‍ മാലിന്യങ്ങളും കല്യാണ മണ്ഡപങ്ങളില്‍നിന്ന് ഒഴിവാക്കുന്ന മാലിന്യവും പ്രദേശത്ത് നിക്ഷേപിക്കല്‍ പതിവായിരുന്നു. ഇതിനെതിരേ പ്രദേശവാസികള്‍ രംഗത്തുവരുകയും കയ്യോടെ പിടികൂടാനുള്ള കാവലില്‍ ഇരിക്കുകയായിരുന്നു. മാലിന്യം തട്ടി തിരിച്ച് പോകാനൊരുങ്ങുന്നതിനിടെയാണ് കാവലിരിക്കുന്നവര്‍ വാഹനത്തെ പിടികൂടിയത്.
പൊലിസില്‍ വിവരമറിയിച്ചതിനെ തുടര്‍ന്ന് വാഹനം കസ്റ്റഡിയിലെടുത്തു.