മണ്ണാര്‍ക്കാട്: മാനവിക രാഷ്ട്രീയം മാതൃക യൗവ്വനം എന്ന പ്രമേയത്തില്‍ കുന്തിപ്പുഴ മേഖല യൂത്ത് ലീഗ് സമ്മേളനം നടത്തി. കുന്തിപ്പുഴ പി. മജീദ് സാഹിബ് നഗറില്‍ നടന്ന പരിപാടി അഡ്വ. എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. കെ.എം ഷാജി എം.എല്‍.എ മുഖ്യപ്രഭാഷണം നടത്തി. അബ്ദുറഹിമാന്‍ പുല്‍പ്പറ്റ പ്രസംഗിച്ചു. സ്വാഗത സംഘം ചെയര്‍മാന്‍ ഷമീര്‍ നമ്പിയത്ത് അധ്യക്ഷനായി.
മുസ്‌ലിംലീഗ് ജില്ലാ ജനറല്‍ സെക്രട്ടറി കളത്തില്‍ അബ്ദുല്ല, ജില്ല സെക്രട്ടറിമാരായ കല്ലടി അബൂബക്കര്‍, പൊന്‍പാറ കോയക്കുട്ടി, മണ്ഡലം പ്രസിഡന്റ് ടി.എ സലാം മാസ്റ്റര്‍, ജനറല്‍ സെക്രട്ടറി സി. മുഹമ്മദ് ബഷീര്‍, ട്രഷറര്‍ കറൂക്കില്‍ മുഹമ്മദാലി, സലാം തറയില്‍, യൂത്ത്‌ലീഗ് ജില്ലാ ജനറല്‍ സെക്രട്ടറി ഗഫൂര്‍ കോല്‍ക്കളത്തില്‍, അര്‍സല്‍ എരേരത്ത്, എം. മമ്മദ് ഹാജി, കെ.സി അബ്ദുറഹിമാന്‍, റഫീക്ക് കുന്തിപ്പുഴ, ആലിപ്പു ഹാജി, അഡ്വ. ശമീര്‍ പഴേരി, സി.കെ അഫ്‌സല്‍, കെ.പി.എ സലീം, അഡ്വ. നൗഫല്‍ കളത്തില്‍, കെ.പി മന്‍സൂര്‍, സഫീര്‍, ടി.കെ ഫൈസല്‍ സംബന്ധിച്ചു.
കെ.സി അഹമ്മദ് ജവാദ് സ്വാഗതവും, ഹനീഫ പൊന്നയത്ത് നന്ദിയും പറഞ്ഞു.
സമ്മേളനത്തിന്റെ വിളംബര ജാഥ മുസ്‌ലിംലീഗ് മണ്ഡലം ജനറല്‍ സെക്രട്ടറി സി. മുഹമ്മദ് ബഷീര്‍ ഉദ്ഘാടനം ചെയ്തു. കല്ലടി കോളജ് പരിസരത്ത് നിന്ന് തുടങ്ങിയ ജാഥ സമ്മേളന നഗരിയില്‍ സമാപിച്ചു.