കയ്പമംഗലം: പ്രൊഫ.പി.വി അപ്പുമാസ്റ്റര്‍ എക്കാലത്തെയും മികച്ച ശാസ്ത്ര സാഹിത്യകാരനായിരുന്നുവെന്ന് മുന്‍ പി.എസ്.സി ചെയര്‍മാന്‍ ഡോ. രാധാകൃഷ്ണന്‍ അഭിപ്രായപ്പെട്ടു. കൂരിക്കുഴി ഇഴ സാസ്‌കാരിക വേദിയും അപ്പുമാസ്റ്റര്‍ സ്മാരക ഗ്രന്ഥശാലയുടെയും ആഭിമുഖ്യത്തില്‍ പ്രഥമ അപ്പുമാസ്റ്റര്‍ സ്മൃതി പുരസ്‌കാരം ഡോ.ബി.ഇഖ്ബാലിന് നല്‍കി സംസാരിക്കുകയായിരുന്നു അദ്ദേഹം.
ശാസ്ത്രാധ്യാപകനായി കൊണ്ട് തന്നെ മികച്ച സാഹിത്യ സൃഷ്ടികള്‍ അദ്ദേഹത്തില്‍ നിന്നുണ്ടായി. അധ്യാപന രംഗത്ത് എല്ലാവരുടെയും സ്‌നേഹവായ്പുകള്‍ നേടിയെടുക്കാന്‍ അദ്ദേഹത്തിനായി.
അപ്പു മാസ്റ്ററുടെ പേരില്‍ നല്‍കുന്ന പ്രഥമ പുരസ്‌കാരത്തിന് എന്തുകൊണ്ടും ഡോ. ബി.ഇഖ്ബാല്‍ അര്‍ഹനാണെന്നും അദ്ദേഹം കൂട്ടിച്ചെര്‍ത്തു. കെ.ബി അനില്‍ കുമാര്‍ അധ്യക്ഷനായി. ഡോ. ബി.ഇഖ്ബാല്‍ മറുപടി പ്രസംഗം നടത്തി. ബാലചന്ദ്രന്‍ വടക്കേടത്ത് പുരസ്‌കാര ജേതാവിനെ പരിചയപ്പെടുത്തി. എം.എല്‍.എ ഇ.ടി ടൈസണ്‍ മാസ്റ്റര്‍, മുന്‍ എം.എല്‍.എ ടി.എന്‍ പ്രതാപന്‍, സുധാംശു മോഹന്‍, നസീര്‍, ഷൈജന്‍ ശ്രീവല്‍സം എന്നിവര്‍ സംസാരിച്ചു