കോട്ടയം: കെ.എം മാണിയുടെ വിയോഗത്തെ തുടര്‍ന്ന് ഒഴിവുവന്ന കേരള കോണ്‍ഗ്രസ് (എം) ചെയര്‍മാനെ തെരഞ്ഞെടുക്കുന്നതിന് സംസ്ഥാന കമ്മിറ്റി വിളിച്ചു ചേര്‍ക്കണമെന്ന ആവശ്യവുമായി കെ.ടി.യു.സി (എം) നേതാക്കളും രംഗത്ത്. ജനാധിപത്യപരവും വ്യവസ്ഥാപിതവുമായ മാര്‍ഗത്തിലൂടെ തെരഞ്ഞെടുപ്പ് നടത്തണമെന്ന നിലപാടാണ് കെ.ടി.യു.സി എടുത്തിരിക്കുന്നതെന്ന് സംസ്ഥാന പ്രസിഡന്റ് ജോസ് പുത്തന്‍കാല കോട്ടയത്ത് മാധ്യമങ്ങളോട് പറഞ്ഞു.