ഹരിയാനയില് പെണ്കുട്ടിയെ കൂട്ടബലാത്സംഗം ചെയ്ത കേസിലെ മുഖ്യപ്രതി സൈനികന്
ഛണ്ഡീഗഡ്: ഹരിയാനയില് 19 വയസ്സുകാരിയായ വിദ്യാര്ഥിനിയെ കൂട്ടബലാത്സംഗം ചെയ്ത സംഭവത്തില് മുഖ്യപ്രതി രാജസ്ഥാനില് ജോലിചെയ്യുന്ന സൈനികന്. ഡി.ജി.പി ബി.എസ് സന്ധുവാണ് ഇക്കാര്യം അറിയിച്ചത്. ഇയാളെ അറസ്റ്റ് ചെയ്യാന് പൊലിസ് സംഘം പോയിട്ടുണ്ടെന്നും അദ്ദേഹം അറിയിച്ചു.
മൂന്നു പേര് ചേര്ന്നാണ് പെണ്കുട്ടിയെ പീഡിപ്പിച്ചത്. ബസ്റ്റോപ്പില് നിന്ന് തട്ടിക്കൊണ്ടുപോയി കൂട്ടബലാത്സംഗം ചെയ്യുകയായിരുന്നു.
മറ്റു രണ്ടുപേര്ക്കു വേണ്ടിയുള്ള തെരച്ചില് തുടരുകയാണ്. ഉടന് തന്നെ പൊലിസ് വലയിലാകുമെന്ന് ഡി.ജി.പി പറഞ്ഞു. മൂന്നു പ്രതികളെയും പെണ്കുട്ടിക്ക് അറിയാമെന്നും ഡി.ജി.പി പറഞ്ഞു.
കേസ് അന്വേഷിക്കാന് പ്രത്യേക അന്വേഷണ സംഘം രൂപീകരിച്ചിട്ടുണ്ട്. നസ്നീന് ഭാസിന്റെ നേതൃത്വത്തിലുള്ള സംഘമാണ് അന്വേഷിക്കുക.
സ്കൂള്തലത്തില് ഉന്നതമാര്ക്ക് നേടി സര്ക്കാരിന്റെ അഭിനന്ദനം ഏറ്റുവാങ്ങിയ പെണ്കുട്ടിയാണ് ക്രൂരമായ പീഡനത്തിനിരയായത്. അതേമസമയം, എട്ടു പേര് ചേര്ന്നാണ് മകളെ പീഡിപ്പിച്ചതെന്നാരോപിച്ച് പിതാവ് രംഗത്തെത്തി. കേസില് നടപടിയെടുക്കുന്നില് പൊലിസ് പരാജയപ്പെട്ടുവെന്ന് മാതാവും ആരോപിച്ചു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."