ഓവലില് റണ്മഴ പെയ്യിച്ച് ഇന്ത്യ; ഓസ്ട്രേലിയക്ക് വിജയിക്കാന് 353 റണ്സ്
ലണ്ടന്: ലോകകപ്പ് ക്രിക്കറ്റിലെ എല്ക്ലാസിക്കോയില് റണ്മഴ പെയ്യിച്ച് ഇന്ത്യ. ആദ്യം ബാറ്റ് ചെയ്ത ഇന്ത്യ ഓപണര് ശിഖര് ധവാന്റെ സെഞ്ച്വറിയുടെ കരുത്തില് അഞ്ചുവിക്കറ്റിന് 352 റണ്സെടുത്തു. 109 പന്തില് നിന്ന് 16 ബൗണ്ടറികള് സഹിതം 117 റണ്സാണ് ധവാന്റെ സമ്പാദ്യം. രോഹിത് ശര്മ (57), ക്യാപ്റ്റന് വിരാട് കോഹ്ലി (82), എന്നിവര് അര്ധശതകം തികച്ചപ്പോള് ധോണിയും (27), ഹാര്ദിക് പാണ്ഡ്യെയും (48) വെടിക്കെട്ട് ബാറ്റിങ്ങും പുറത്തെടുത്തതോടെയാണ് ഓസ്ട്രേലിയക്ക് 353 റണ്സിന്റെ കൂറ്റന് വിജയലക്ഷ്യം സമ്മാനിക്കാനായത്.
70 പന്തില് നിന്ന് ഒരു സിസ്കറും മൂന്നു ഫോറും സഹിതമാണ് രോഹിത് 57 റണ്സെടുത്തത്. 77 ബോള് നേരിട്ട കോഹ്ലി രണ്ടു സിക്സറുകളും നാലുബൗണ്ടറികളും നേടിയിരുന്നു. 27 പന്ത് നേരിട്ട പാണ്ഡ്യ മൂന്നുസിക്സറുകളും നാലുബൗണ്ടറികളും സഹിതമാണ് 48 റണ്സെടുത്തത്. ഒരുസിക്സറും മൂന്നു ഫോറും സഹിതം 14 പന്തില് നിന്നാണ് ധോണി 27 റണ്സെടുത്തത്. മൂന്നുപന്തില് നിന്ന് ഓരോ സിക്സറും ബൗണ്ടറിയും അടക്കം 11 റണ്സെടുത്ത കെ.എല് രാഹുല് പുറത്താവാതെ നിന്നു.
ഓസ്ടേലിയക്കു വേണ്ടി സ്റ്റോണിസ് ഏഴ് ഓവറില് 62 റണ്സ് വഴങ്ങി രണ്ടുവിക്കറ്റെടുത്തു. സ്റ്റാര്ക്ക് പത്തോവറില് 74 റണ്സ് വഴങ്ങി ഒരുവിക്കറ്റും എടുത്തു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."