ദമാം/പട്ടാമ്പി: പ്രവാസികളുടെയും അവരുടെ നാട്ടിലെ കുടുംബങ്ങളുടെയും ക്ഷേമ കാര്യങ്ങളിൽ കേന്ദ്ര-സംസ്ഥാന സർക്കാരുകൾ നിസ്സഹായരായി നിൽക്കുമ്പോൾ സഊദിയിലെ ജനകീയ പ്രവാസി കൂട്ടായ്മയായ കെ എം സി സി നടത്തുന്ന സാമൂഹ്യ സുരക്ഷാ പദ്ധതി പ്രവാസി കുടുംബങ്ങൾക്ക് ആശ്വാസമാണെന്ന് മുസ്‌ലിം ലീഗ് സംസ്ഥാന വൈസ് പ്രസിഡണ്ട് സി എ എം എ കരീം സാഹിബ് അഭിപ്രായപ്പെട്ടു. ഇക്കഴിഞ്ഞ ജൂലായിൽ ദമാമിൽ ഹൃദയാഘാതം മൂലം നിര്യാതനായ പട്ടാമ്പി കൊടലൂർ  സ്വദേശിയുടെ കുടുംബത്തിന് സാമൂഹ്യ സുരക്ഷാ പദ്ധതിയിൽ നിന്നുള്ള മരണാനന്തര ആനുകൂല്യം വിതരണം ചെയ്തു സംസാരിക്കുകയായിരുന്നു അദ്ദേഹം.

 

     ഡിസംബർ പതിനഞ്ചിന് അവസാനിക്കുന്ന എട്ടാം വർഷത്തിലേക്ക് നടന്നു വരുന്ന അംഗത്വ കാംപയിൻ പ്രയോജനപ്പെടുത്തി എല്ലാ പ്രവാസി സഹോദരങ്ങളും ഇതിന്റെ ഭാഗാമാകണമെന്നും അദ്ദേഹം കൂട്ടിച്ചേർത്തു.

 

     ആറുലക്ഷം രൂപയുടെ ചെക്ക്  കുടുംബത്തിന് വേണ്ടി 

കൊടലൂർ ശാഖ മുസ്‌ലിം ലീഗ് ഭാരവാഹികൾ അദ്ദേഹത്തിൽ നിന്നും ഏറ്റുവാങ്ങി. മുസ്ലിം ലീഗ് പാലക്കാട്‌ ജില്ലാ കൗൺസിലർ  പി മുഹമ്മദ് കുട്ടി ഹാജി,മുസ്ലിം ലീഗ് പട്ടാമ്പി മുനിസിപ്പൽ ട്രഷർ പി മൊയ്തീൻ കുട്ടി, ശാഖ ലീഗ്  പ്രസിഡൻണ്ട്  കെ ഹൈദ്രുട്ടി ഹാജി, മുസ്‌ലിം യൂത്ത് ലീഗ് മുനിസിപ്പൽ പ്രസിഡൻണ്ട് സൈതലവി വടക്കേതിൽ, കൊടലൂർ ശാഖ പ്രസിഡൻണ്ട് ശക്കീക്ക്, വാർഡ് കൗൺസിലർ മുനീറ ഉനൈസ്, കെ എം സി സി പ്രതിനിധികളായ ഉനൈസ് പതിയിൽ, ഷാജി കരിമ്പുള്ളി, മുജീബ് പുവ്വക്കോട്, 'കുടുംബാംഗങ്ങളായ, നൗഷാദ് ആലിക്കൽ, ബാവ ആലിക്കൽ തുടങ്ങിയവർ സംബന്ധിച്ചു